Tuesday 11 October 2011

[www.keralites.net] ഉന്നത നിയമനങ്ങള്‍: വി.എസ് നടത്തിയ കൂടുതല്‍ ക്രമക്കേടുകള്‍ പുറത്ത്

 

ഉന്നത നിയമനങ്ങള്‍: വി.എസ് നടത്തിയ കൂടുതല്‍ ക്രമക്കേടുകള്‍ പുറത്ത്

 

Fun & Info @ Keralites.netകൊച്ചി: മുഖ്യമന്ത്രിയായിരിക്കവേ വി.എസ് അച്യുതാനന്ദന്റെ കീഴിലായിരുന്ന ശാസ്ത്രസാങ്കേതിക വകുപ്പിലെ ഉന്നതതല നിയമനങ്ങളിലും ക്രമക്കേട് നടന്നതായി തെളിഞ്ഞു.
ഉയര്‍ന്ന തസ്തികകളിലേ്ക്ക് യോഗ്യത മാനദണ്ഡമാക്കാതെ നിയമനം നടത്തിയതായി ഔദ്യോഗിക രേഖകള്‍ വ്യക്തമാക്കുന്നു.
കേരള ശാസ്ത്ര സാങ്കേതിക പരിസ്ഥിതി കൗണ്‍സിലിന്റെ മെമ്പര്‍ സെക്രട്ടറി സ്ഥാനത്തേ്ക്ക് 2009 ജനുവരിയില്‍ നടന്ന നിയമനത്തില്‍ യോഗ്യത അട്ടിമറിച്ചതിന്റെ തെളിവുകള്‍ രേഖകളിലുണ്ട്്. വിദഗ്ധരടങ്ങിയ സെലക്ഷന്‍ കമ്മിറ്റി ആറുപേരുമായി അഭിമുഖം നടത്തിയശേഷം ഡോ.പി.രാജേന്ദ്രന്‍, ടി. ഇളങ്കോവന്‍, ജി.മുരളീധരക്കുറുപ്പ് എന്നിവരെ ഒന്നും രണ്ടും മൂന്നും റാങ്കുകാരായി സമര്‍പ്പിച്ച പട്ടികയില്‍നിന്നു നിയമനം ലഭിച്ചത് മൂന്നാംറാങ്കുകാരനായ ജി.മുരളീധരക്കുറുപ്പിന്. മുഖ്യമന്ത്രിയാണ് ശാസ്ത്രസാങ്കേതിക പരിസ്ഥിതി കൗണ്‍സിലിലെ നിയമനാധികാരി. അദ്ദേഹത്തിന് സെലക്ഷന്‍ കമ്മിറ്റിയുടെ ശുപാര്‍ശ മറികടക്കാന്‍ അധികാരമുണ്ടെങ്കിലും അഭിമുഖത്തിലും അക്കാദമിക് മികവിലും ഭരണ മികവിലും മുന്നിലെത്തിയവരെ തഴഞ്ഞതിന് ന്യായീകരണമില്ല.
ഇത് ഒറ്റപ്പെട്ട സംഭവമല്ലെന്നു വ്യക്തം. പ്രമുഖ ശാസ്ത്രഗവേഷണ സ്ഥാപനമായ രാജീവ് ഗാന്ധി മെമ്മോറിയല്‍ ബൊട്ടാണിക്കല്‍ റിസേര്‍ച്ച് ഇന്‍സ്റ്റിറ്റിയൂട്ട് ഡയറക്ടര്‍ സ്ഥാനത്തേക്ക് സെലക്ഷന്‍ കമ്മിറ്റി അഭിമുഖം നടത്തിയത് എട്ടു പേരെ.
നിയമനം ലഭിച്ചത് രണ്ടാം സ്ഥാനക്കാരനായ ഡോ. എ സുബ്രഹ്മണ്യന്. അദ്ദേഹത്തിന് 14 മാസത്തെ സര്‍വീസ് മാത്രമേ ബാക്കിയുള്ളൂവെന്ന കാര്യം പ്രത്യേകം ക്യാബിനറ്റിനെ ധരിപ്പിച്ചിരുന്നു. എന്നിട്ടും ഡോ. എ സുബ്രഹ്മണ്യന് നിയമനം നല്‍കി. കാലാവധി തീര്‍ന്നപ്പോള്‍ സര്‍വീസ് നീട്ടി നല്‍കുകയും ചെയ്തു. നാറ്റ്പാക് ഡയറക്ടര്‍ സ്ഥാനത്തേയ്ക്ക് ടി.ഇളങ്കോവനെയാണ് സമിതി ശുപാര്‍ശ ചെയ്തത്. മൂന്നു തവണ പരസ്യപ്പെടുത്തിയെങ്കിലും നിശ്ചിത യോഗ്യതയുള്ള മറ്റാരും അപേക്ഷകരായെത്തിയില്ല. തുടര്‍ന്നാണ് ഇളങ്കോവന്‍ തുടരട്ടെയെന്ന ശുപാര്‍ശ നല്‍കിയത്. പക്ഷേ യോഗ്യതാമാനദണ്ഡത്തില്‍ മാറ്റം വരുത്തി വീണ്ടും പരസ്യം നല്‍കാനായിരുന്നു തീരുമാനം. ജനുവരി 12 ന് വി.എസ് അച്യുതാനന്ദന്‍ നിയമനാധികാരം വിനിയോഗിച്ചത് യോഗ്യത അട്ടിമറിച്ചാണെന്ന് രേഖകള്‍ തെളിയിക്കുന്നുണ്ട്.
Thanks & Regards
Anish Philip

 


www.keralites.net

__._,_.___
Recent Activity:
KERALITES - A moderated eGroup exclusively for Keralites...
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.

To unsubscribe send a mail to Keralites-unsubscribe@yahoogroups.com.

Homepage: www.keralites.net
MARKETPLACE

Stay on top of your group activity without leaving the page you're on - Get the Yahoo! Toolbar now.


Stay on top of your group activity without leaving the page you're on - Get the Yahoo! Toolbar now.

.

__,_._,___

No comments:

Post a Comment