Wednesday 14 May 2014

[www.keralites.net] എവിടെ എന്റെ വീട് ടിലേക്കുള്ള വഴി.. .?

 

 
എവിടെ എന്റെ വീട്ടിലേക്കുള്ള വഴി...?
Posted on: 15 May 2014

 
കെ.എസ്. ബിജു


 

മുളന്തുരുത്തി:
ജീവിതയാത്രയില്‍ ഇടയ്‌ക്കെപ്പോഴോ മനസ്സിന്റെ പിടി വഴുതിപ്പോയപ്പോള്‍ വീടുവിട്ടിറങ്ങി. പിന്നെ ചരടുപൊട്ടിയ പട്ടംപോലെ ഏതൊെക്കയോ ആകാശങ്ങളില്‍. ഒടുവില്‍ കാലം ഒറ്റപ്പെടുത്തലിന്റെ പെരുമഴയത്ത് നിര്‍ത്തിയ ആ യുവാവ് തിരയുന്നു; എവിടെ എന്റെ വീട്ടിലേക്കുള്ള വഴി?...

മുളന്തുരുത്തി സര്‍ക്കാര്‍ ആസ്​പത്രി പരിസരത്ത് താടിയും മുടിയും വളര്‍ത്തി വികൃത രൂപമായി അലഞ്ഞുനടന്ന ചെറുപ്പക്കാരന് ഇപ്പോള്‍ ഒന്നും ഓര്‍മയില്ല; വീടും നാടും ബന്ധുക്കളുടെ പേരും ഒന്നും. അഞ്ചുമാസം മുമ്പ് തെരുവു വെളിച്ചം പ്രവര്‍ത്തകന്‍ മുരുകന്‍ ഏറ്റെടുക്കുമ്പോള്‍ ഇയാള്‍ കുളിച്ചിട്ട് തന്നെ ഒരു വര്‍ഷത്തോളമായിരുന്നു. തെരുവു വെളിച്ചം നല്‍കിയ സംരക്ഷണത്തിന്റെയും പരിചരണത്തിന്റെയും പ്രകാശത്തില്‍ പതിയെ സംസാരിച്ചു തുടങ്ങി. ഇപ്പോള്‍ പേര് സനീഷ് എന്നും 26 വയസ്സുണ്ട് എന്നും പറയും.

വീട്ടില്‍ പോകണം. അമ്മയേയും സഹോദരിയേയും കാണണം. അതു മാത്രമാണ് ഇപ്പോഴത്തെ ആഗ്രഹം. വീട്ടുകാരോടുള്ള സ്‌നേഹം വികാരത്തിലൂടെ പ്രകടിപ്പിക്കുമെങ്കിലും വീട് എവിടെയെന്നോ വീട്ടുകാര്‍ ആരെന്നോ ഒന്നും അറിയില്ല. ചില സമയങ്ങളില്‍ വീട്ടുപേരും മറ്റും ഓര്‍ത്തെടുത്ത് പറയാന്‍ ശ്രമിക്കുന്നുണ്ടെങ്കിലും വ്യക്തമാകുന്നില്ല. വീടുവിട്ടിറങ്ങിയത് എന്തിനെന്നോ എങ്ങോട്ട് പോകണേെമന്നാ അറിയില്ല. ഇത്ര നാളായിട്ടും ആരും തിരക്കിവന്നില്ല. ഒരുപക്ഷേ മകനെ കാണാത്ത വേദനയില്‍ ഒരമ്മ എവിടെയോ ഉണ്ടാകും.

ആരോടും വഴക്കിനില്ലാതെ നിശ്ശബ്ദനായി ഒറ്റയ്ക്കിരിക്കുന്ന പ്രകൃതം. തന്നെത്തേടി ആരെങ്കിലും വരുമെന്ന പ്രതീക്ഷയില്‍ ഇടയ്ക്കിടെ തെരുവു വെളിച്ചത്തിന്റെ ജനലഴികളിലൂടെ പുറത്തേയ്ക്ക് നോക്കി നില്‍ക്കും. വിശക്കുമ്പോള്‍ ഭക്ഷണം ചോദിച്ച് വാങ്ങിക്കഴിക്കും. കുളിക്കുന്നതുള്‍പ്പെടെ മറ്റൊന്നിനും താത്പര്യമില്ല.

ചിലപ്പോള്‍ തെരുവു വെളിച്ചം പ്രവര്‍ത്തകരോട് സന്തോഷത്തോടെ സംസാരിച്ചു തുടങ്ങും, പതിയെ പാട്ടുപാടാനും ശ്രമിക്കും. എല്ലാം ചെന്നെത്തുന്നത് വീട്ടില്‍ പോകണമെന്ന വാക്കില്‍. സാമൂഹിക നീതി വകുപ്പിന് കീഴിലുള്ള കാക്കനാട്ടെ തെരുവു വെളിച്ചം പുനരധിവാസ കേന്ദ്രത്തിന്റെ ഫോണ്‍-0484 2427071.

www.keralites.net

__._,_.___
Reply via web post Reply to sender Reply to group Start a New Topic Messages in this topic (1)

KERALITES - A moderated eGroup exclusively for Keralites...

To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.

To unsubscribe send a mail to Keralites-unsubscribe@yahoogroups.com.

Homepage: http://www.keralites.net

.

__,_._,___

[www.keralites.net] തെരുവില്‍നിന്ന് ഈ കുടുംബം പറയുന് നു;

 


കോഴിക്കോട്:
ജീവിതം ചിലപ്പോള്‍ മനുഷ്യന്‍ അതേക്കുറിച്ച് ഉണ്ടാക്കിയ എല്ലാ വ്യാഖ്യാനങ്ങളും വ്യാകരണങ്ങളും മറികടന്ന് മുന്നോട്ടുപോകും.

അല്ലെങ്കില്‍, പാതിവെന്ത് വികൃതമായ ശരീരവുമായി വീട്ടില്‍ നിന്ന് ഇറങ്ങിപ്പോന്ന സുനി എന്ന പെണ്‍കുട്ടിയെ അനാഥനായി തെരുവിലലയുന്ന ബാലകൃഷ്ണന്‍ തെരുവില്‍ത്തന്നെ കണ്ടുമുട്ടില്ലായിരുന്നു, അവര്‍ വിവാഹിതരാവില്ലായിരുന്നു, അവര്‍ ഒരുനാള്‍ മതം മാറി സുബൈറും സുഹ്‌റയുമാവേണ്ടിവരികയും ചെയ്യില്ലായിരുന്നു, മക്കളില്‍ രണ്ടുപേരെ രണ്ട് അനാഥമന്ദിരത്തിലാക്കി ഒരു കുഞ്ഞിനേയും കൂട്ടി ഒരേ നഗരത്തില്‍ രണ്ട് തെരുവുകളില്‍ ജീവിതം നയിക്കേണ്ടിവരില്ലായിരുന്നു....

ഇപ്പോള്‍ സുബൈറായ ബാലകൃഷ്ണന്‍ തിരുവനന്തപുരം സ്വദേശിയാണ്. 12-ാം വയസ്സില്‍ അനാഥനായി അലഞ്ഞ് കോഴിക്കോട് നഗരത്തിലെത്തി. ജീവിക്കാനായി ഹോട്ടലുകളില്‍ പാത്രം കഴുകുന്നതുമുതല്‍ അറിയുന്നതും അറിയാത്തതുമായ പല ജോലികളും ചെയ്തു. പിന്നീട് ചെരിപ്പ് തുന്നാന്‍ പഠിച്ചു. കോഴിക്കോട് അപ്‌സര തിയേറ്ററിനടുത്ത് തെരുവിലിരുന്ന് ചെരുപ്പ് തുന്നാന്‍ തുടങ്ങി.

അപ്പോഴാണ്, പാതി പൊള്ളി വെന്ത മുഖവും ശരീരവുമായി ഒരു സ്ത്രീ അതേ തെരുവില്‍ക്കഴിയുന്നത് അയാള്‍ കണ്ടത്. അവര്‍ തമ്മില്‍ പരിചയിച്ചു. സുനി എന്നായിരുന്നു അവളുടെ പേര്. മലപ്പുറം ജില്ലക്കാരി. അച്ഛനമ്മമാരുടെ ഒന്‍പത് മക്കളില്‍ ഒരാള്‍. അന്യവീടുകളില്‍ അടുക്കളപ്പണി ചെയ്താണ് പഠിച്ചിരുന്നത്. ഏഴാം ക്ലാസ്സില്‍ പഠിക്കുമ്പോഴാണ് വീട്ടുജോലിക്കിടെ ഗ്യാസ് സിലിണ്ടര്‍ പൊട്ടിത്തെറിച്ച് അവരുടെ മുഖമടക്കം ശരീരത്തിന്റെ പാതിയിലധികവും പൊള്ളുന്നത്.

കോഴിക്കോട് മെഡിക്കല്‍കോളേജ് ആസ്പത്രിയില്‍ മാസങ്ങളോളം കിടന്നു. പുറത്തിറങ്ങിയത് വികൃതമായ മുഖവും ശരീരവുമായി. അവള്‍ പിന്നെ ഒന്നോ രണ്ടോ തവണയേ വീട്ടിലേക്കുപോയുള്ളൂ. കാഴ്ചയില്‍ത്തന്നെ എല്ലാവരും കണ്‍തിരിച്ചുതുടങ്ങി. അവള്‍ കോഴിക്കോട് നഗരത്തിലെത്തി. ഭിക്ഷാടനം തുടങ്ങി. ഈ സമയത്ത് തന്നെയാണ് ബാലകൃഷ്ണനുമായി പരിചയത്തിലാകുന്നതും ഒന്നിച്ച് ജീവിക്കാന്‍ തീരുമാനിക്കുന്നതും.
ഇതിനിടെ അവള്‍ പ്രസവിച്ചു - ആണ്‍കുട്ടി. നഗരത്തില്‍നിന്ന് മാറി ഒരിടത്ത് മുറിയെടുത്ത് താമസം തുടങ്ങി. ജീവിതം തുടര്‍ന്നു. വാടക കൊടുക്കാന്‍ സാധിക്കാതെ വന്നപ്പോള്‍ ഒരു ഘട്ടത്തില്‍ വീടൊഴിഞ്ഞുകൊടുക്കേണ്ടിവന്നു .വീണ്ടും തെരുവില്‍. അപ്പോള്‍ ഒരു കുഞ്ഞുകൂടി പിറന്നു-പെണ്‍കുട്ടി.
മുഖം പൊള്ളിയതുകാരണം സാരി തലയിലൂടെയിട്ടാണ് ഭിക്ഷ യാചിക്കുക. അപ്പോള്‍ പലരും വിചാരിച്ചു അവള്‍ മുസ്ലീമാണ് എന്ന്. ഇത് മനസ്സിലായപ്പോള്‍ സുനി പള്ളികള്‍ക്ക് മുന്നില്‍ ചെന്നുനില്‍ക്കാന്‍ തുടങ്ങി. ആളുകള്‍ സഹായിക്കും. ചിലര്‍ ഖുര്‍-ആനിലെ സൂക്തങ്ങളെക്കുറിച്ച് ചോദിക്കും. ഇത് സുനിയെ വിഷമത്തിലാക്കി.

ചോദിക്കാന്‍ ആരുമില്ലാത്തതുകൊണ്ടും നഷ്ടപ്പെടാന്‍ ഒന്നുമില്ലാത്തതും സുനിയും ബാലകൃഷ്ണനും മതം മാറാന്‍ തീരുമാനിച്ചു. സുഹ്‌റയും സുബൈറുമായി. മക്കളേയും മതം മാറ്റി- മൂത്തമകന്‍ ഷാഹിദ്, മകള്‍ ഷാഹിനയും. അപ്പോഴും തെരുവില്‍ ജീവിതം തുടര്‍ന്നു, അതിലേക്ക് മകനായി ഒരാള്‍കൂടി വന്നു- റാഷിക്. സുബൈര്‍ ചെരിപ്പുകുത്തിയും സുഹ്‌റ ലോട്ടറി വിറ്റും കുട്ടികളെപ്പോറ്റി.

മൂന്ന് കുട്ടികളേയും കൊണ്ട് തെരുവില്‍ക്കഴിയുന്നത് ഏറെ ബുദ്ധിമുട്ടായപ്പോള്‍ ഷാഹിദിനെ മാവൂര്‍ യത്തീംഖാനയിലും ഷാഹിനയെ ജെ.ഡി.ടി. ഇസ്ലാം മദ്രസ്സയിലും ചേര്‍ത്തു. സുബൈര്‍ ഇപ്പോള്‍ കോഴിക്കോട് പുതിയബസ് സ്റ്റാന്‍ഡിനടുത്ത് ചെരുപ്പ് നന്നാക്കി അവിടെത്തന്നെ കിടന്നുറങ്ങുന്നു. സുഹ്‌റ നഗരത്തിന്റെ മറ്റൊരു തെരുവില്‍ക്കഴിയുന്നു. ദിവസത്തില്‍ പലതവണ കണ്ടുമുട്ടും, വൈകുന്നേരം ചിലപ്പോള്‍ ഒന്നിച്ച് ഭക്ഷണം കഴിക്കും. റാഷിക് അവര്‍ക്കൊപ്പം കഴിയുന്നു. ഷാഹിദും ഷാഹിനയും ഇടയ്ക്ക് വരും എല്ലാവരേയും കാണാന്‍.
സുബൈറിന് ജന്മനാട്ടില്‍ ആരുമില്ലാത്തതുകൊണ്ട് എവിടെയും പോകാനില്ല. തന്റെ സാന്നിധ്യം അനുജത്തിമാരുടെ വിവാഹത്തിന് തടസ്സമാവും എന്നറിഞ്ഞപ്പോള്‍ സുഹ്‌റയും വീട്ടിലേക്ക് പോകാറില്ല. പക്ഷേ, ആഴ്ചയിലൊരിക്കല്‍ അവള്‍ അടുത്ത വീട്ടിലേക്ക് ഫോണ്‍ ചെയ്യും. എന്നിട്ട് ചോദിക്കും: ''എന്റെ വീട്ടില്‍ എല്ലാവര്‍ക്കും സുഖമല്ലേ?''

ഈ കുടുംബത്തിന് ഇപ്പോള്‍ വീടില്ല, റേഷന്‍ കാര്‍ഡില്ല, വോട്ടര്‍ ഐഡന്റിറ്റി കാര്‍ഡില്ല, ആധാരമോ ആധാറോ ഇല്ല, സഹായിക്കാന്‍ ആരുമില്ല. എങ്കിലും ഇവര്‍ ഒരു കുടുംബമായി ജീവിതം തുടരുന്നു, ആരോടും പരാതിയും പരിഭവവുമില്ലാതെ. അതിനുമുന്നില്‍ ജീവിതം തോറ്റുപോകുന്നു.

www.keralites.net

__._,_.___
Reply via web post Reply to sender Reply to group Start a New Topic Messages in this topic (1)

KERALITES - A moderated eGroup exclusively for Keralites...

To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.

To unsubscribe send a mail to Keralites-unsubscribe@yahoogroups.com.

Homepage: http://www.keralites.net

.

__,_._,___

[www.keralites.net] നാം സൂക്ഷിക്കേണ ്ട ചില തട്ടിപ്പ് രീതികള്‍..!!!

 

നാം സൂക്ഷിക്കേണ്ട ചില തട്ടിപ്പ് രീതികള്‍..!!!

 
തട്ടിപ്പ് നടത്തുന്നതിലും തട്ടിപ്പിനു ഇരയാകുന്നതിലും നാം ഇന്ത്യക്കാര്‍ ഒട്ടും പിന്നില്‍ അല്ല. ഇവിടെ ചില തട്ടിപ്പ് പരിപാടികള്‍ പരിച്ചയപ്പെടുത്തുന്നു…
1. ഡ്യൂപ്ലിക്കേറ്റ് കാര്‍ഡുകള്‍ !!!
ഏറ്റുവും പുതിയ തട്ടിപ്പ് വിദ്യയാണ് ഈ ഡ്യൂപ്ലിക്കേറ്റ് കാര്‍ഡുകള്‍. ഈ കാര്‍ഡുകള്‍ ഉപയോഗിച്ച് നിങ്ങളുടെ രഹസ്യ അക്കൗണ്ട് വിവരങ്ങള്‍ ചോര്‍ത്തുന്നു. വിവിധ തരത്തിലുള്ള ഉപകരണങ്ങളുടെ സഹായത്തോടു കൂടിയാണ് ഈ തട്ടിപ്പ് നടത്തുന്നത്. നിങ്ങളുടെ വിവരങ്ങള്‍ ചോര്‍ത്തിയ ശേഷം ഡ്യൂപ്ലിക്കേറ്റ് കാര്‍ഡ് ഉണ്ടാക്കി അത് വഴി പണം തട്ടുകയാണ് ഇവിടത്തെ രീതി.
2. വ്യജ വെബ്‌സൈറ്റുകള്‍
നിങ്ങളുടെ ബാങ്കിന്റെപ്പോലത്തെ വ്യജ വെബ്‌സൈറ്റുകള്‍ ഉണ്ടാക്കി,അതിലേക്ക് നിങ്ങളെ കൊണ്ട് വന്നു,നിങ്ങളുടെ വിവരങ്ങള്‍ ചോര്‍ത്തുന്നത്തും ഒരു പതിവായി മാറുകയാണ്.
3. ഒഴിഞ്ഞ പാര്‍സല്‍ പെട്ടികള്‍
നിങ്ങള്‍ക്ക് വരുന്ന പാര്‍സല്‍,അതിനു നിങ്ങള്‍ പണം അടയ്ക്കണം. പോസ്റ്റല്‍ വകുപ്പ് വഴിയാണ് ഈ പാര്‍സലുകള്‍ വരുന്നത്.പക്ഷെ പൈസ അടച്ചു തുറന്നു നോക്കുമ്പോള്‍ അതിനകത്ത് ഒന്നും ഇല്ലെങ്കില്‍ എന്ത് ചെയ്യും??? നിങ്ങളുടെ പൈസപ്പോയി എന്ന് മാത്രം മനസിലാക്കുക !!!
4. വിദേശ പണമിടപ്പാടുകള്‍
ഓണ്‍ ലൈന്‍ തട്ടിപ്പില്‍ ഏറ്റുവും മുന്തിയ ഐറ്റം ഇതാണ്. ഒരു വിദേശ ബാങ്കിന്റെ ഇമെയില്‍ നിങ്ങള്‍ക്ക് ലഭിക്കുന്നു.അവരുടെ രാജ്യത്തില്‍ചില സാമ്പത്തിക പ്രശ്‌നങ്ങള്‍ ഉള്ളത് കൊണ്ട് ഒരു വലിയ 'അമൌന്റ്‌റ്' ഇന്ത്യയിലേക്ക് എത്തിക്കാന്‍ ,നിങ്ങളുടെ സഹായം വേണം എന്നു പറഞ്ഞു കൊണ്ട് ഒരു മെയില്‍.സഹായിച്ചാല്‍ നല്ല ഒരു തുക അവര്‍ ഓഫര്‍ ചെയ്യുകയും ചെയ്യുന്നു.പിന്നെ ഒന്നും ആലോചിക്കാതെ ചാടി പുറപ്പെടുന്ന മണ്ടന്മാരില്‍ നിന്നും ഒന്ന് രണ്ടു തവണ അവര്‍ പൈസ' ആവശ്യപ്പെടും,അത് കൊടുത്തു കഴിയുമ്പോള്‍ അവര്‍ മുങ്ങും !!!
5. ചോര്‍ത്തല്‍ വീരന്മാര്‍
എവിടെ നിന്നും എന്തു വേണോ ചോര്‍ത്താന്‍ കഴിയുന്ന വീരന്മാര്‍ ഇവിടെ ഉണ്ട്. നമ്മുടെ കാര്‍ഡ് വിവരങ്ങള്‍ ചോര്‍ത്തി അവര്‍ പല സാധനങ്ങളും വാങ്ങി കൂട്ടും.
6. സ്വര്‍ണം കുഴിച്ചെടുത്തു തട്ടിപ്പ് !!!
അങ്ങനെ ഇരിക്കുമ്പോള്‍ നമുക്ക് രാജസ്ഥാനില്‍ നിന്ന് ഒരു കോള്‍ വരികയാണ്.താന്‍ ഒരു ഖനി തൊഴിലാളിയാണെന്നും ഭുമി കുഴിക്കുന്നതിനിടയില്‍ തനിക് ഒരു സ്വര്‍ണ ശേഖരം കണ്ടെത്താന്‍ സാധിച്ചുവെന്നും പറഞ്ഞു ഒരു കോള്‍. ആ സ്വര്‍ണം മൊത്തം വിറ്റഴിക്കാന്‍ താന്‍ തയ്യാറാണെന്നും വളരെ കുറഞ്ഞ നിരക്കില്‍ അത് തരാം എന്നും പറഞ്ഞുള്ള ആ ക്ഷണം സ്വീകരിച്ചാല്‍ പെട്ടു.!!!
7. ഫ്രീ വിദേശ യാത്ര !!!
സിനിമ കാണാം ഷോപ്പിംഗ് നടത്താനും ഒക്കെ മാളില്‍ പോകുന്ന നിങ്ങള്‍ എപ്പോള്‍ എങ്കിലും അവിടെ കാണുന്ന ഏതെങ്കിലും സമ്മാന പദ്ധിതിയില്‍ ചേര്‍ന്നു എന്നു കരുത്തുക,രണ്ടു ദിവസം കഴിഞ്ഞു നിങ്ങള്‍ക്ക് ഒരു ട്രാവല്‍ കമ്പനിയില്‍ നിന്നും വിളി വരും,സമ്മാനം അടിച്ചിരിക്കുന്നു ഫ്രീ വിദേശ യാത്ര പോകാം എന്നൊക്കെ…ചെന്നു നോക്കു,നിങ്ങളുടെ കുടുംബം വരെ വിറ്റു അവര്‍ കാശാക്കും !!!
8. ബാങ്കില്‍ നിന്നും വ്യജ കോള്‍
ബാങ്കില്‍ നിന്ന് ആരു വിളിച്ചു എന്ത് സ്വകാര്യ വിവരങ്ങള്‍ ചോദിച്ചാലും പറഞ്ഞു കൊടുക്കരുത്,കാരണം ലോകത്തില്‍ ഉള്ള ഒരു ബാങ്കും ഫോണ്‍ കോള്‍സ് വഴി വിവരങ്ങള്‍ ചോദിക്കില്ല !!!
9. ഫോട്ടോ കോപ്പി തട്ടിപ്പ്
നിങ്ങളുടെ സ്വകാര്യ വിവരങ്ങള്‍ അടങ്ങുന്ന ഡോകുമെന്റ്‌സ് കോപ്പി എടുക്കണം എങ്കില്‍ കഴിവതും അത് നിങ്ങളുടെ സാനിധ്യത്തില്‍ തന്നെ എടുക്കുക,കാരണം ആ വിവരങ്ങള്‍ ചോര്‍ത്തി തെറ്റായ കരങ്ങളില്‍ എത്തിക്കുന്ന ഒരു ഫോട്ടോ കോപ്പി മാഫിയ തന്നെ പ്രവര്‍ത്തിക്കുന്നുണ്ട്.
10. നിക്ഷേപ തട്ടിപ്പ്
നിങ്ങളുടെ പൈസ ഇവിടെ നിക്ഷേപിക്കു,വലിയ പലിശ ഞങ്ങള്‍ തരാം എന്ന് പറഞ്ഞു വിളിക്കുന്ന കമ്പനികളെ വിശ്വസിക്കരുത്,അവസാനം നിങ്ങളുടെ പൈസയും കൊണ്ട് അവര്‍ മുങ്ങും !!!
11. ജോലി തരാം എന്ന് പറഞ്ഞും വിളി വരും
നിങ്ങള്‍ക്ക് പറ്റിയ ജോലി ഇവിടെ ഉണ്ട് എന്ന് പറഞ്ഞു ചിലപ്പോള്‍ ഒരു ഓഫര്‍ നിങ്ങളെ തേടി വരും. പക്ഷെ ആ ജോലി നിങ്ങള്‍ക്ക് തരാന്‍ ഒരു ഫീസ് അടയ്‌ക്കേണ്ടി വരും,ഫീസ് അടച്ചു കഴിഞ്ഞാല്‍ പൈസയും പോയി,ജോലിയും പോയി !!!
12. ഓണ്‍ ലൈന്‍ ലോട്ടറി
നിങ്ങള്ക്ക് ഓണ്‍ ലൈന്‍ ലോട്ടറി അടിച്ചു എന്ന് പറഞ്ഞു മെസ്സേജ് മെയില്‍ വരിക ഒരു പതിവ് ആയിരിക്കും, ഇതിനു മറുപ്പടി കൊടുത്താല്‍ അവര്‍ പൈസ ട്രാന്‍സ്ഫര്‍ ചെയ്യുന്നതിന് സര്‍വീസ് ചാര്‍ജ് ചോദിക്കും,വരാന്‍ പോകുന്ന വലിയ പൈസ സ്വപ്നം കണ്ടു നാം പൈസ അടയ്ക്കുമ്പോള്‍,അവര്‍ അതും കൊണ്ട് മുങ്ങും !!!
13. ക്ലിക്ക് ചെയ്തു പൈസ നേടാം
വെറുതെ പരസ്യത്തില്‍ ഒന്ന് ക്ലിക്ക് ചെയ്താല്‍ മതി പൈസ തരാം എന്ന് പറഞ്ഞു ഒരുപ്പാട് ഇന്റര്‍നെറ്റ് പരസ്യങ്ങള്‍ നമ്മുടെ മുന്നില് വരും.ക്ലിക്ക് ചെയ്തു ക്ലിക്ക് ചെയ്തു നാം ഒരു പരിവം ആയാല്‍പ്പോലും പൈസ തരാന്‍ ആവശ്യമായ 'ക്ലിക്ക്' നാം ചെയ്തു കാണില്ല,അവസാനം മടുത്ത് നാം ആ പരിപാടി അവസാനിപ്പിക്കും.
14. വ്യജ ഓണ്‍ ലൈന്‍ ജോലി
ജോലി വാഗ്ദാനം നല്‍ക്കും,അഡ്വാന്‍സ് ഫീസ് ചോദിക്കും,പൈസ കിട്ടിയാല്‍ അവര്‍ മുങ്ങും !!!
15. കഫെ തട്ടിപ്പ്
ഇന്റര്‍നെറ്റ് കഫെ നിങ്ങളെ കബിളിപ്പിക്കാം. അവിടെ നിങ്ങള്‍ ഉപയോഗിക്കുന്ന സ്വകാര്യ വിവരങ്ങള്‍ ചോരാന്‍ സാധ്യത ഉണ്ട്.അത് കൊണ്ട് കഫെ ഉപയോഗിക്കുമ്പോള്‍ വളരെ അധികം സൂക്ഷിക്കണം.

www.keralites.net

__._,_.___
Reply via web post Reply to sender Reply to group Start a New Topic Messages in this topic (1)

KERALITES - A moderated eGroup exclusively for Keralites...

To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.

To unsubscribe send a mail to Keralites-unsubscribe@yahoogroups.com.

Homepage: http://www.keralites.net

.

__,_._,___