മീരാജാസ്‌മിന്റെ മിസ്‌ ലേഖാതരൂര്‍ കോപ്പിയടി?
Story Dated: Thursday, December 6, 2012 04:00
മീരാജാസ്‌മിനെ നായികയാക്കി ഷാജിയെം സംവിധാനം ചെയ്യുന്ന 'മിസ്‌ ലേഖ തരൂര്‍ കാണുന്നത്‌' എന്ന ചിത്രത്തിന്റെ കഥ 2002 ലിറങ്ങിയ ചൈനീസ്‌ ചിത്രമായ 'ദി ഐ' യുടേതാണെന്ന്‌ മല്ലൂ പാപ്പരാസി റിപ്പോര്‍ട്ടുകള്‍.
20 വയസ്സുവരെ അന്ധയായിരുന്ന ഹോംങ്കോങ്ങിലെ ക്‌ളാസിക്കല്‍ വയലിനിസ്‌റ്റായ മുന്നിന്‌ ഒരു നേത്ര മാറ്റ ശസ്‌ത്രക്രിയയിലൂടെ കാഴ്‌ചശക്‌തി കിട്ടുന്നു. അതോടെ സാധാരണ മനുഷ്യന്റെ മാംസ ചക്ഷുസ്സു കൊണ്ട്‌ കാണാന്‍ കഴിയുന്നതിലുപരിയായി മറ്റു പല മായക്കാഴ്‌ചകളും അവള്‍ കാണാന്‍ തുടങ്ങുകയാണ്‌ . പ്രേതങ്ങളേയും സംഭവിക്കാന്‍ പോകുന്ന മരണങ്ങളും ഒക്കെ.
ഒരു സൈക്കോളജിസ്‌റ്റിന്റെ സഹായത്തോടെ അവള്‍ നടത്തുന്ന അന്വേഷണത്തില്‍ തനിക്ക്‌ മാറ്റി വച്ച കണ്ണിന്റെ ഉടമയായ ലിംഗ്‌ എന്ന പെണ്‍കുട്ടിയുടെ വീട്ടിലെത്തുകയാണ്‌. തനിക്ക്‌ മാറ്റി വച്ച കണ്ണുകളുടെ ഉടമയായ പെണ്‍കുട്ടി ഇത്തരം കഴിവുകള്‍ ഉണ്ടായിരുന്നവളാണെന്ന്‌ പെണ്‍കുട്ടിയുടെ അമ്മയില്‍ നിന്നും അവര്‍ മനസ്സിലാക്കുന്നു. ഒരിക്കല്‍ ഒരു വന്‍ ദുരന്തത്തില്‍ ഒരുപാടാളുകള്‍ കൊല്ലപ്പെടുമെന്ന്‌ മുന്‍കൂട്ടി കണ്ട അവള്‍ അക്കാര്യം ഗ്രാമീണരെ അറിയിക്കുന്നു. പക്ഷേ ആരും അവളെ വിശ്വസിക്കുന്നില്ല.
ഒടുവില്‍ താന്‍ മുന്‍കൂട്ടി കണ്ടതുപോലെ ദുരന്തമുണ്ടായി അനവധിയാളുകള്‍ മരിക്കുമ്പോള്‍ എല്ലാം നേരത്തേ അറിയാന്‍ കഴിഞ്ഞിട്ടും തനിക്കാരെയും രക്ഷിക്കാന്‍ കഴിയാതെ പോയതില്‍ മനം നൊന്ത്‌ ലിംഗ്‌ ആത്മഹത്യ ചെയ്യുന്നു. അതോടെ ആത്മഹത്യ ചെയ്‌ത മകള്‍ക്ക്‌ ഒരിക്കലും മാപ്പ്‌ കൊടുക്കില്ലെന്ന്‌ ലിംഗിന്റെ അമ്മ പ്രഖ്യാപിക്കുന്നു. ലിംഗിന്റെ അമ്മയില്‍ നിന്നും ഈ കഥ കേട്ട മുന്നും സൈക്കോളജിസ്‌റ്റും അന്ന്‌ ലിംഗിന്റെ വീട്ടില്‍ തങ്ങുന്നു. രാത്രിയില്‍ ലിംഗിന്റെ പ്രേതം വന്ന്‌ മുന്നിനെയും ആത്മഹത്യ ചെയ്യാന്‍ പ്രേരിപ്പിക്കുന്നു. എന്നാല്‍ തക്ക സമയത്ത്‌ ലിംഗിന്റെ അമ്മ മുന്നിനെ രക്ഷിക്കുന്നു. ഒപ്പം ലിംഗിനോട്‌ താന്‍ ക്ഷമിച്ചുവെന്ന്‌ പറയുകയും ചെയ്യുന്നു. അതോടെ ലിംഗിന്റെ ആത്മാവിന്‌ നിത്യ ശാന്തി ലഭിക്കുന്നു. തിരിച്ചുള്ള യാത്രയില്‍ മുന്നും സൈക്കോളജിസ്‌റ്റും സഞ്ചരിച്ച ബസ്‌ ഒരു ട്രാഫിക്ക്‌ ബ്‌ളോക്കില്‍ അകപ്പെടുന്നു. പൊടുന്നനെ റോഡില്‍ അനവധി മൃതദേഹങ്ങള്‍ കിടക്കുന്നതായി മുന്‍ കാണുന്നു.
ഇതുവരെ പുറത്തു വന്ന വിവരങ്ങള്‍ അനുസരിച്ച്‌ ഇതുതന്നെയാണ്‌ 'മിസ്‌ ലേഖ തരൂര്‍ കാണുന്നത്‌' എന്ന ഷാജിയെം ചിത്രത്തിന്റേയും കഥയെന്നാണ്‌ പാപ്പരാസി റിപ്പോര്‍ട്ടുകള്‍. ഒരു ഗെയിംഷോ അവതാരകയായാണ്‌ മീര ഈ ചിത്രത്തിലഭിനയിക്കുന്നത്‌. അസാധാരണ പ്രതിഭാശാലിയായ മീരയുടെ കഥാപാത്രത്തിന്‌ മറ്റ്‌ സാധാരണക്കാര്‍ക്കുണ്ടാകാത്ത പല ദൃശ്യാനുഭവങ്ങളും ഒരുള്‍ക്കാഴ്‌ചയിലെന്ന പോലെ ഉണ്ടാകുന്നു. ഷാജിയെം ഇപ്പോള്‍ ഈ ചിത്രത്തിന്റെ തിരക്കഥാരചനയിലാണ്‌. 'സിനിമാ കമ്പനി' ഫെയിം ബദ്രിയും ഈ ചിത്രത്തിലഭിനയിക്കുന്നുണ്ട്‌. മീരയുടെ കഥാപാത്രമായ ലേഖ തരൂരിനെ ചികിത്സിക്കുന്ന ഡോക്‌ടറായാണ്‌ ബദ്രി പ്രത്യക്ഷപ്പെടുന്നത്‌.
Abdul Jaleel
Office Manager
 | : 00966 (1) 2116891 |
 | : www.alrajhibank.com.sa |
www.keralites.net          |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
No comments:
Post a Comment