ഒന്ന് നന്നായി ഉറങ്ങണംന്ന് വല്ലാതെ കൊതിക്കുന്നവരാണോ നിങ്ങള്‍..അതിനൊരു പുതിയ വഴിയുമായാണ് അമേരിക്കയിലെ ഒരു കൂട്ടം ഗവേഷകര്‍ എത്തിയിരിക്കുന്നത്. ചെറിപഴമാണ് ഉറക്കത്തിനുള്ള ഒറ്റമുലി. ഉറക്കത്തിന് സഹായിക്കുന്ന മെലാറ്റിനിന്‍ എന്ന ഹോര്‍മോണ്‍ ചെറിപഴങ്ങളില്‍ ധാരാളമായി അടങ്ങിയിട്ടുണ്ടെന്നാണ് ഇവരുടെ കണ്ടെത്തല്‍.
ഉണക്കിയ ചെറി പഴങ്ങളില്‍ മെലാറ്റിനിന്റെ അളവ് സാധാരണയിലും കുടുതലാണത്രെ. ചെറിപഴം ഉറക്കമില്ലായ്മക്ക് പരിഹാരമാകുമെന്നതിനാല്‍ ഇതില്‍ നിന്നും ക്യാപ്സൂളുകള്‍ നിര്‍മിക്കാനുള്ള ശ്രമത്തിലാണ് ഗവേഷകര്‍. ഉറക്കത്തിനായി ഉപയോഗിക്കുന്ന മരുന്നുകള്‍ പൊണ്ണത്തടിക്കും ഹൃദയസംബന്ധമായ അസുഖങ്ങള്‍ക്കും കാരണമാകുമെന്ന് തെളിഞ്ഞ സാഹചര്യത്തില്‍ പുതിയ കണ്ടെത്തലിന് ഏറെ പ്രാധാന്യമുണ്ട്.
ഒരു നല്ല ഉറക്കം കഴിഞ്ഞെഴുനേല്‍ക്കുമ്പോ നമുക്ക് ഉന്മേഷം അനുഭവപ്പെടാറില്ലേ!. നമ്മുടെ മസ്തിഷ്കത്തിന്റെ പുനഃപ്രവര്‍ത്തനം നടക്കുന്നതാണത്രെ ഇതിന് കാരണം. ഉറങ്ങുമ്പോള്‍ മസ്തിഷ്കം കമ്പ്യൂട്ടര്‍ റീസെറ്റ് ചെയ്യുംവിധം അല്‍പം വിശ്രമിച്ച് പുനഃപ്രവര്‍ത്തനം ആരംഭിക്കുന്നുവെന്നാണ് പഠനങ്ങള്‍ തെളിയിക്കുന്നത്. ഉറക്കത്തിനിടെ സ്മൃതികോശങ്ങളില്‍ പതിഞ്ഞ അലോസരചിന്തകളെയും ആകുലതകളെയും വെടിഞ്ഞ് മസ്തിഷ്കം സ്വയം ശുദ്ധീകരിക്കുന്നു. വിസ്കോണ്‍സിന്‍ സര്‍വകലാശാലയിലെ പ്രഫസര്‍ ജൂലിയോ ടോണോണിയുടെ നേതൃത്വത്തിലുള്ള സംഘത്തിന്റേതാണ് പഠനം.അതിനാല്‍ ഓരോ വ്യക്തിയും ആവശ്യമായ അളവില്‍ നന്നായി ഉറങ്ങാന്‍ ശ്രമിക്കണമെന്നാണ് ഗവേഷകനും മനഃശാസ്ത്രജ്ഞനും കൂടിയായ ജൂലിയോയുടെ നിര്‍ദേശം. എലികള്‍, മനുഷ്യര്‍, മുയലുകള്‍ എന്നിങ്ങനെ വിവിധ ജീവികളില്‍ കമ്പ്യൂട്ടര്‍ സ്റ്റിമുലേഷനുകള്‍ വഴി നടത്തിയ പഠന ഗവേഷണത്തിന് നേതൃത്വം നല്‍കിയശേഷമാണ് ഈ കണ്ടെത്തലുകളെന്ന് ജൂലിയോ വ്യക്തമാക്കുന്നു. വേണ്ടത്ര സമയം ഉറങ്ങാത്തവരില്‍ മസ്തിഷ്കം പുനഃസജ്ജമാകാനിടയില്ലെന്നും ഇതിന്റെ ഫലമായി ഉന്മേഷരാഹിത്യവും ഓര്‍മക്കുറവുമുണ്ടാകുന്നുവെന്നും പഠനത്തിലുണ്ട്. അതേസമയം നല്ല ഉറക്കം നമ്മുടെ മസ്തിഷ്കത്തെ സദാ പ്രവര്‍ത്തന സജ്ജമാക്കും.
www.keralites.net          |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
No comments:
Post a Comment