നമ്മുടെ നാട്ടില്‍ എല്ലാ ആളുകളും പേടിക്കുന്ന ഒരു ദിവസമാണ് ഹര്ത്താല്. ഹര്ത്താല് ഉള്ള ദിവസം ആരും വീട്ടിനുള്ളില്‍ നിന്ന് പുറത്തിറങ്ങാറില്ല. അന്നത്തെ ദിവസം വീട്ടില്‍ നിന്നിറങ്ങി നടക്കുന്നവരെ വേണമെങ്കില്‍ കൊല്ലാന്‍ വരെ നമുക്ക് അധികാരമുണ്ട് എന്ന് അച്ഛന് പറയാറുണ്ട്. അന്ന് തുറക്കുന്ന കടകളും ആപ്പീസുകളും തല്ലിത്തകര്‍ക്കുക എന്നത് നമ്മുടെ കടമയാണ്. അന്നത്തെ ദിവസം ആംബുലന്‍സുകള്‍പ്പോലും തടയാനും കത്തിക്കാനും നമുക്ക് അധികാരമുണ്ട്.
എല്ലാവര്‍ക്കും പേടിയാണെങ്കിലും ഹര്‍ത്താലുള്ള ദിവസം എനിക്ക് വലിയ ഇഷ്ടമാണ്. അന്ന് ക്ലാസില്ല എന്നതാണ് പ്രധാന കാരണം. പിന്നെ, അച്ഛനെന്നെ സ്‌കൂട്ടറില്‍ നാടുചുറ്റാന്‍ കൊണ്ടുപോകുന്നതു കൊണ്ടും ഹര്ത്താല് എനിക്കു വളരെ ഇഷ്ടമാണ്. ഒരു വണ്ടിപോലും ഇല്ലാത്ത റോഡിലൂടെ അച്ഛന് സ്‌കൂട്ടറില്‍ പറന്നുപോകുമ്പോള്‍ അച്ഛനെക്കുറിച്ചോര്‍ത്ത് എനിക്കഭിമാനം തോന്നും. ഇന്നലെ അങ്ങനെ പോകുമ്പോള്‍ ജംക്ഷനില്‍ കട തുറന്നിരിക്കുന്നത് കണ്ട് സ്‌കൂട്ടര്‍ വഴിയില്‍ വച്ച് നായിന്റെ മോനേ എന്നലറിക്കൊണ്ട് അച്ഛന് പോയി കടക്കാരനെ അടിച്ചുവീഴ്ത്തിയ ശേഷം നിലത്തിട്ട് ചവിട്ടി. ആ കടയില്‍ നിന്നു സാധനം വാങ്ങിയ വകയില്‍ 30000 രൂപ കൊടുക്കാനുള്ളത് അയാള്‍ ചോദിക്കാതിരിക്കാന്‍ വേണ്ടിയും ഹര്ത്താല് ദിവസം കട തുറക്കുന്നത് അച്ഛന്റെ അധികാരത്തെ വെല്ലുവിളിക്കുന്നതായതുകൊണ്ടുമാണ് അങ്ങനെ ചെയ്തത് എന്നാണ് അച്ഛന് പറഞ്ഞത്.
ഹര്‍ത്താലുള്ള ദിവസം എന്റെ അച്ഛന് അതിരാവിലെ എണീക്കും. സാധാരണ ദിവസങ്ങളില്‍ രാത്രി കള്ളുകുടിച്ചു വന്നിട്ട് രാവിലെ 10 മണിക്ക് എണീക്കാറുള്ള അച്ഛന് അന്ന് വെളുപ്പിന് മൂന്നു മണിക്ക് എണീക്കും. സാധാരണദിവസങ്ങളില്‍ വീട്ടില്‍ നിന്ന് നടന്നിറങ്ങി പോവാറുള്ള അച്ഛന് ഹര്ത്താല് ദിവസം സ്‌കൂട്ടറിലാണ് പോവുന്നത്. ഇന്നലെയും അച്ഛന് നേരം പുലരുന്നതിനു മുമ്പേ ഹര്‍ത്താലിനു പോയി. നമ്മുടെ നാടിനെ വലിയ വിപത്തുകളില്‍ നിന്നു രക്ഷിക്കാന്‍ വേണ്ടിയാണ് അച്ഛന് ഹര്ത്താല് നടത്തുന്നത്. ഒരാളെ കൊന്ന കേസില്‍ അച്ഛന്റെ സാറിനെ പോലീസ് പിടിച്ചതിനായിരുന്നു ഇന്നലത്തെ ഹര്ത്താല്. വലിയ വലിയ ആളുകള്‍ക്ക് ആരെയും കൊല്ലാം എന്നാണ് അച്ഛന് പറയാറുള്ളത്. അവരെ പിടിക്കാനോ ചോദ്യം ചെയ്യാനോ ശിക്ഷിക്കാനോ പോലീസിന് അധികാരമില്ല. അങ്ങനെ നിയമം തെറ്റിച്ച് അച്ഛന്റെ സാറിനെ പിടിച്ചതുകൊണ്ടാണ് ഇന്നലെ അച്ഛന് ഹര്ത്താല് നടത്തിയത്.
ഇന്നലെ ഹര്ത്താല് കഴിഞ്ഞ് അച്ഛന് വലിയ സന്തോഷത്തിലാണ് വന്നത്. അച്ഛനെ കള്ളുകുടിക്കാതെ അത്രയും സന്തോഷത്തില്‍ വല്ലപ്പോഴുമേ കാണാറുള്ളൂ. ഹര്ത്താല് നടത്തുന്നതിനിടെ ഒരു ഡിവൈഎസ്പിയെ തല്ലിയതുകൊണ്ടാണ് അച്ഛന് അത്രയും സന്തോഷമുണ്ടായത്. പോലീസുകാര്‍ക്കൊക്കെ അച്ഛനെ പേടിയാണ്. അവരെയൊക്കെ തല്ലാനും നേര്‍വഴിക്കു നടത്താനും എന്റെ അച്ഛന് അധികാരമുണ്ട്. കഴിഞ്ഞ ഹര്‍ത്താലിന് അച്ഛന് 15 പോലീസുകാരെ തല്ലിയായിരുന്നു. സിഐമാരെയും എസ്‌ഐമാരെയും ധാരാളം തല്ലിയിട്ടുണ്ടെങ്കിലും ഡിവൈഎസ്പിയെ തല്ലുന്നത് ആദ്യമാണെന്നു പറഞ്ഞ് അച്ഛന് അമ്മയെ കെട്ടിപ്പിടിച്ചു. അടുത്ത ഹര്‍ത്താലിന് കമ്മിഷണറിനെ തല്ലുമെന്നും അതോടെ അച്ഛന് കുറച്ചുകൂടി വലിയ ആളാവുമെന്നും പറഞ്ഞു.
സ്‌കൂളില്‍ മറ്റുകുട്ടികളെയൊക്കെ ഞാന്‍ നായിന്റെ മോനേ എന്നാണ് വിളിക്കാറുള്ളത്. കഴിഞ്ഞ പരീക്ഷയ്ക്ക് ഞാന്‍ കോപിയടിക്കുന്നത് പറഞ്ഞുകൊടുത്ത കുലംകുത്തിയുടെ തുടയില്‍ കോംപസ് കുത്തിയതിന് ഹെഡ്മാസ്റ്റര്‍ എന്നെ കുറെ ഉപദേശിച്ചിരുന്നു. സ്‌കൂളില്‍ പഠിക്കുമ്പോള്‍ അച്ഛനെപ്പോലെ പെരുമാറാന്‍ പറ്റില്ലെന്നും സ്‌കൂളിനു പുറത്ത് എന്തു വേണമെങ്കിലും ചെയ്‌തോളാനും പറഞ്ഞ് ഹെഡ്മാസ്റ്റര്‍ എന്റെ കാലുപിടിച്ചു കരഞ്ഞു. പിന്നെ ഞാന്‍ ആരെയും കോംപസുകൊണ്ട് കുത്തിയിട്ടില്ല.
ഒരു ദിവസം ഞാനും അച്ഛനെപ്പോലെ വലുതാവും എന്നിട്ട് ഞങ്ങടെ കണക്കു മാഷിനെ നായിന്റെ മോനേ എന്നു വിളിച്ച് നിലത്തിട്ട് ചവിട്ടും. രാത്രിയില്‍ അച്ഛന് പുത്തുപോവുമ്പോള്‍ കൊണ്ടുപോവുന്ന നീളമുള്ള വാള്‍ ഞാന്‍ ഒരു ദിവസം ക്ലാസ്സില്‍ കൊണ്ടുവരും. അന്ന് എന്റെ കണക്കുമാഷിനേം ഇംഗ്ലിഷ് മാഷിനേം വെട്ടിക്കൊല്ലും. ക്ലാസില്‍ പഠിപ്പിച്ചുകൊണ്ടിരിക്കുമ്പോള്‍ എല്ലാ കുട്ടികളുടെയും മുന്നില്‍ വച്ചാണ് ഞാന്‍ അവരെ വെട്ടിക്കൊല്ലാന്‍ പോകുന്നത്. അച്ഛന്റെ ഫ്രണ്ട്സ് അങ്ങനെ ഒരു മാഷിനെ കൊന്നതുകൊണ്ട് വലിയ ആളുകളായി എന്ന് അച്ഛന് പറഞ്ഞിട്ടുണ്ട്. കണക്കുമാഷിനേം ഇംഗ്ലിഷ് മാഷിനേം കൊന്നുകഴിയുമ്പോള്‍ എല്ലാ കുട്ടികള്‍ക്കും എന്നോട് പേടിയും ബഹുമാനവുമുണ്ടാവും. എന്നെ പോലീസ് അറസ്റ്റ് ചെയ്താല്‍ അച്ഛന് ഹര്ത്താല് നടത്തി എന്നെ രക്ഷിക്കും.
ഷിജു ശശി
സ്റ്റാന്‍ഡാര്‍ഡ് VI
No comments:
Post a Comment