ഓരോ മലയാളിയും വേവലാതിയോടെ കാത്തിരിക്കുന്ന,കേരളം അറിയാനാഗ്രഹിക്കുന്ന,നാടിന്റെ വികസനത്തിനും പുരോഗതിക്കും നാട്ടിലെ പട്ടിണിക്കും ദുരിതങ്ങള്‍ക്കും എല്ലാം പരിഹാരം കണ്ടെത്താനുതകുന്ന സുപ്രധാനമായ ചോദ്യങ്ങള്‍ ഒരിക്കല്‍ക്കൂടി.
1.ബാലകൃഷ്ണപിള്ള ശരിക്കും മുഖ്യമന്ത്രിയുമായി ഫോണില്‍ സംസാരിച്ചോ ?
2.വാളകത്തെ അധ്യാകന്റെ വൈവിധ്യമാര്‍ന്ന മൊഴികളില്‍ ഏതായിരിക്കും സത്യം ?
3.അധ്യാപകനെ ഇടിച്ചിട്ടു നിര്‍ത്താതെ പോയ കാര്‍ ഓടിച്ചത് പിള്ളയോ ഗണേശനോ ?
4.ഇടുക്കിയിലെ സിപിഎം ഏരിയ സെക്രട്ടറി വനിതാ നേതാവിനെ എന്താണ് ചെയ്തത് ?
5.വിഎസിനെ ഫോണിലൂടെ അധിക്ഷേപിച്ചയാള്‍ എന്തു തെറിയാണ് വിളിച്ചത് ?
6.ഇന്‍ഫോപാര്‍ക്ക് സിഇഒ ആയി സെബാസ്റ്റ്യന്‍ പോളിന്റെ ബന്ധുവിനെ നിയമിച്ചത് തെറ്റോ ശരിയോ ?
7.കണ്ണൂരിലെ അക്രമങ്ങള്‍ക്കു പിന്നില്‍ കെ.സുധാകരന്‍ മാത്രമാണോ ?
8.പി.രാമകൃഷ്ണന്‍ രാജി വയ്‍ക്കേണ്ട ആവശ്യമുണ്ടായിരുന്നോ ?
9.എലിപ്പനി ബാധിച്ചു മരിച്ചവരുടെയെല്ലാം കരള്‍ അടിച്ചുപോയിരുന്നോ ?
10.കൂത്തുപറമ്പ് സംഭവം ആരെക്കൊണ്ട് അന്വേഷിപ്പിക്കണം ?
ഇവയൊക്കെ കവര്‍ ചെയ്തു കഴിഞ്ഞും സമയം ബാക്കിയുണ്ടെങ്കില്‍ ശ്രദ്ധിക്കേണ്ട മേഖലകള്‍.
1.ശോഭാ ജോണ്‍ പറവൂര്‍ പെണ്‍കുട്ടിയെ മാര്‍ക്കറ്റ് ചെയ്തതെങ്ങനെ ?
2.പറവൂര്‍ ലിസ്റ്റിലെ പ്രസിദ്ധന്മാര്‍ ആരൊക്കെ ?
3.പി.ജെ.ജോസഫിന്റെ എസ്എംഎസ് കേസില്‍ പി.സി.ജോര്‍ജിന്റെ പങ്കെന്ത് ?
4.പി.ശശിയുടെ രോഗം എന്തായിരുന്നു ?
5.കിളിരൂര്‍ കേസിലെ വിഐപി ആരായിരുന്നു ?
6.പാമൊലിന്‍ കേസില്‍ ഉമ്മന്‍ ചാണ്ടി കുടുങ്ങുമോ ?
7.മദനിയ്‍ക്ക് നീതി നിഷേധിക്കുന്നത് ശരിയാണോ ?
8.മമ്മൂട്ടി-മോഹന്‍ലാല്‍ ആദായനികുതി റെയ്‍ഡില്‍ പിടിച്ച മുതല്‍ എണ്ണിക്കഴിഞ്ഞോ ?
9.ശ്രീപത്മനാഭസ്വാമി ക്ഷേത്രത്തിലെ സ്വര്‍ണത്തിനു വിലയിടിഞ്ഞോ ?
10.കൈവെട്ടു കേസില്‍ ഇന്റര്‍പോള്‍ അന്വേഷണം തുടങ്ങിയോ ?
എന്നിട്ടും അരിശം തീരുന്നില്ലെങ്കില്‍ ഇതുകൂടി.
1.അടിയന്തരാവസ്ഥ നല്ലതായിരുന്നോ അതോ ചീത്തയോ ?
2.നക്സലൈറ്റുകള്‍ തെറ്റുതിരുത്തിയത് തെറ്റായിരുന്നോ ?
3.രാജനെ ഉരുട്ടിക്കൊന്നതോ രാജന്‍ ആത്മഹത്യ ചെയ്തതോ ?
4.സുകുമാരക്കുറപ്പ് ഇപ്പോഴും ജീവിച്ചിരിക്കുന്നുണ്ടോ ?
5.അഭയ കേസിലെ അച്ചന്മാര്‍ ഇപ്പോള്‍ എവിടെയാണ് ?
6.മുണ്ടശേരിയുടെ വിദ്യാഭ്യാസനയം ശരിയായിരുന്നോ ?
7.രണ്ടാം വിമോചമസമരം പുരോഗമനപരമായിരുന്നോ ?
8.ലൗ ജിഹാദും അനബന്ധവിവാദങ്ങളും തട്ടിപ്പായിരുന്നോ ?
9.ഐസ്ക്രീം-റജീന സുഖമായിരിക്കുന്നോ ?
10.ഉമ്മന്‍ ചാണ്ടിയോടൊപ്പം അന്നു ട്രെയിനില്‍ ഉണ്ടായിരുന്നത് ആരായിരുന്നു ?
No comments:
Post a Comment