| കുഞ്ഞനന്തന് പാര്‍ട്ടി വിധിച്ചത്‌ 40 ദിവസത്തെ 'അജ്‌ഞാതവാസം' |
| |
| കോഴിക്കോട്‌: ടി.പി. ചന്ദ്രശേഖരന്‍ വധത്തെ തുടര്‍ന്നു കുഞ്ഞനന്തനു പാര്‍ട്ടി വിധിച്ചത്‌ 40 ദിവസത്തെ 'അജ്‌ഞാതവാസം'. മേയ്‌ നാലിനു വള്ളിക്കാടു ചന്ദ്രശേഖരനെ കൊലചെയ്‌തു 13 ദിവസം കഴിഞ്ഞാണു കുഞ്ഞനന്തന് ഒളിവില്‍ പോയത്‌. കൊലപാതകശേഷം മണിക്കൂറുകള്‍ക്കുള്ളില്‍ ക്വട്ടേഷന്‍ സംഘം സഞ്ചരിച്ച വാഹനം പോലീസ്‌ കണ്ടെത്തിയതോടെ കുഞ്ഞനന്തന് അപകടം മണത്തു. അന്നു തന്നെ ക്വട്ടേഷന്‍ സംഘത്തലവനായ കൊടി സുനിയുടെ പങ്കും അന്വേഷണ സംഘത്തിനു വ്യക്‌തമായിരുന്നു. |
| വിടരുതവനേ... കൊല്ലവനേ... ജനം ആക്രോശിച്ചു |
| |
| |
| കുഞ്ഞനന്തന് കോടതിയില്‍ എത്തുന്നതിന്‌ 15 മിനിറ്റു മുമ്പ്‌ പാനുര്‍ ഏരിയാസെക്രട്ടറി പവിത്രന്‍ കോടതിയിലെത്തി പരിസരം വീക്ഷിച്ചു വിലയിരുത്തിയ ശേഷമാണു കുഞ്ഞനന്തനോടു കോടതയിലേക്കു വരാന്‍ നിര്‍ദേശം നല്‍കിയത്‌. ഉച്ച സമയമായതിനാല്‍ കോടതിയില്‍ തിരക്കു കുറയുമെന്നും അധികം ശ്രദ്ധിക്കപ്പെടുമില്ലെന്നുമുള്ള കണക്കുകൂട്ടലില്‍ ഉച്ചയ്‌ക്ക് ഒരു മണിയോടെ കുഞ്ഞനന്തന് കോടതിയിലെത്തി. ഓട്ടോയിലെത്തിയ മൂന്നുപേര്‍ വടകര ജുഡീഷ്യല്‍ ഒന്നാം ക്ലാസ്‌ മജിസ്‌ട്രേറ്റ്‌ കോടതിയിലേക്ക്‌ ഓടിക്കയറുന്നതു കണ്ടപ്പോഴാണു പലര്‍ക്കും സംശയമായത്‌. പിന്നീടാണ്‌ ഇതിലൊരാള്‍ കുഞ്ഞനന്തനാണെന്നു തിരിച്ചറിഞ്ഞത്‌. വാര്‍ത്തയറിഞ്ഞതോടെ കോടതി പരിസരം ജനനിബിഡമായി. ജനം കോടതി പരിസരത്ത്‌ തമ്പടിച്ചു. വിവരം ചാനലുകള്‍ പുറത്തുവിട്ടതോടെ വാഹനങ്ങളില്‍ ദൂരസ്‌ഥലങ്ങളില്‍നിന്നും ആളുകളെത്തി. |
www.keralites.net          |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
