നേഴ്സുമാര്‍ ഓര്‍ക്കുക - പണം എന്നാല്‍ ചെകുത്താന്‍ തന്നെ
Dr. Skylark
അങ്കമാലി ലിറ്റില്‍ ഫ്ലവര്‍ ആശുപത്രി അധികൃതരെ വിമര്‍ശിക്കുന്ന നമ്മള്‍ ഒരു സത്യം മറന്നു പോകുന്നു. അവര്‍ നേര്സുമാര്‍ക്ക് കൂലി കൊടുക്കാതിരുന്നത് അവര്‍ സാത്താന്റെ അടിമകള്‍ ആയി സ്വര്‍ഗത്തില്‍ പോകാത്ത ഒരു സാഹചര്യം ഉണ്ടാകാതിരിക്കാന്‍ ആണ്. പണം എന്നാല്‍ ചെകുത്താന്‍ തന്നെ.
അത് കൈ കൊണ്ട് തൊടുന്നത് പോലും പറഞ്ഞു കുംബസാരിക്കേണ്ടിയ കാര്യം. ആകാശത്തെ പറവകളെ നോക്ക്. അവ വിതക്കുന്നില്ല, കൊയ്യുന്നില്ല എന്നിട്ടും ദൈവം അവയെ എത്ര മനോഹരമായി പോറ്റുന്നു. അത് പോലെ നേര്സുമാര്‍ക്ക് കൂലി പണമായി കിട്ടിയില്ലെങ്കിലും സ്വര്‍ഗ്ഗ രാജ്യത്തില്‍ ധനം കുന്നു കൂടും. പണ്ട് എം പീ പോളിനോടും ഇത് തന്നെ ആണ് ചെയ്തത്. അദ്ദേഹം പണം വാങ്ങി ചെകുത്താന്റെ അടിമ ആകേണ്ട എന്ന് വെച്ച് കൊടുതതിനെക്കാള്‍ കൂടുതല്‍ തുക വൌചെറില്‍ എഴുതി ഒപ്പിടുവിച്ചു. അതിന്റെ പേരില്‍ എന്തൊക്കെ പുകില്‍ ഉണ്ടായി. പണ്ട് വിമോചന സമര കാലത്ത് പിടിയരി പിരിച്ചുണ്ടാക്കിയ സഭയുടെ സ്വത്തുക്കള്‍ പിടിച്ചെടുക്കാന്‍ ചെകുത്താന്റെ ആള്‍ക്കാര്‍ വന്നപ്പോള്‍ കുഞ്ഞാടുകള്‍ തെരുവില്‍ ഇറങ്ങി സമരം ചെയ്തു. വെടി വെപ്പില്‍ അങ്കമാലിയിലെ കുറെ പാവപ്പെട്ട കുഞ്ഞാടുകള്‍ മരിച്ചു വീണു. പിന്നെ എന്തുണ്ടായി. ഒരു സര്‍കാര്‍ നിലം പതിച്ചു. അത് പോലെ ഒരു സാഹചര്യം ഉണ്ടാകാതെ ഇരിക്കാന്‍ ആണ് അച്ചന്മാര്‍ ഇവിടെ നേരിട്ട് വഴിയില്‍ ഇറങ്ങി മുദ്ര വാക്യം മുഴക്കിയത്. സമരം ചെയ്യാന്‍ വേണ്ടത്ര ഇടവകക്കാരെ കിട്ടാഞ്ഞിട്ടാണെന്ന് സഭയുടെ ശത്രുക്കള്‍ പറഞ്ഞേക്കാം. അച്ചന്മാര്‍ ജനങ്ങളോട് കൂടുതല്‍ അടുക്കണം എന്ന് വത്തിക്കാന്‍ കൌണ്‍സിലിന്റെ പ്രമാണ രേഖയില്‍ ഉണ്ട്. നേര്സുമാര്‍ക്കും മറ്റും കൂടുതല്‍ ശമ്പളം കൊടുത്താല്‍ പിന്നെയും ഉണ്ട് കുഴപ്പം. അവരുടെ അപ്പന്മാരോ ഭര്‍ത്താക്കന്‍ മാരോ അത് കൊണ്ട് പോയി ബിവേരജേസില്‍ കൊടുക്കും. അച്ചന്മാര്‍ പണം കൈ കാര്യം ചെയ്യുന്നത് എന്ത് കൊണ്ടാണെന്ന് ചോദിചെക്കാം. അത് അവര്‍ ചെയ്യുന്നത് ദൈവ ജനത്തിന് വേണ്ടിയിട്ട് ആണ്. അവര്‍ അതില്‍ നിന്നും ഒന്നും എടുക്കുന്നില്ല. അവര്‍ക്ക് കുടുംബം ഒന്നും ഇല്ലല്ലോ. സ്വന്തം ആയി വരുമാനം ഇല്ലാത്തത് കൊണ്ടല്ലേ ടാക്സ് പോലും കൊടുക്കാത്തത്. എങ്കിലും ബെന്‍സ് കാറിനും മറ്റും പെട്രോള്‍ അടിക്കാനും മറ്റും എന്ത് ചിലവാണ്‌. ഇതെല്ലാം ചെയ്യുന്നത് ദൈവ ജനത്തിന് വേണ്ടി മാത്രം. കേരള ഹൈക്കോടതിയെ പേടിച്ചിട്ടാണ് അച്ചന്മാര്‍ നേര്സുമാരുടെ ആവശ്യങ്ങള്‍ അന്ഗീകരിച്ചത് എന്ന് നിങ്ങള്‍ ഒക്കെ പറഞ്ഞേക്കും. എന്നാല്‍ അത് അങ്ങനെ അല്ല. അച്ചന്മാര്‍ സമ്മതിച്ചതിന് ശേഷം ആണ് കോടതിയും അഭിപ്രായ പെട്ടത്. അത് പേടിച്ചിട്ടും മറ്റും ഒന്നുമല്ല. അച്ചന്മാര്‍ക്ക് എതിരായി എന്തെങ്കിലും പറഞ്ഞാല്‍ നരകത്തില്‍ പോകുമെന്നും നിത്യ ശിക്ഷ കിട്ടുമെന്നും ഉള്ള കാര്യം കോടതിക്കും അറിയാവുന്ന കാര്യം ആണ്. അമൃതയില്‍ സമരം ഉണ്ടായപ്പോള്‍ ദൈവ കോപം ഉണ്ടായതും അങ്ങനെ ഏതോ അശരീരി ശക്തിയില്‍ നിന്നും സമരക്കാര്‍ക്ക് മര്‍ദനം ഏറ്റതും അയ കാര്യങ്ങള്‍ നിങ്ങള്‍ അറിഞ്ഞിട്ടുണ്ടാവുമല്ലോ. ഇവിടെ അങ്ങനെ ഒന്നും സംഭവിക്കാതെ ഇരുന്നത് അച്ചന്മാര്‍ പ്രത്യേകം ആയി പരിശുദ്ധ ആല്മാവിനോട് മുട്ടിപ്പായി പ്രാര്‍ത്ഥിച്ചത്‌ കൊണ്ടാണ്. അതിനാല്‍ എല്ലാ കുഞ്ഞാടുകളും അച്ചന്മാര്‍ പറയുന്ന വരുതിയില്‍ കൂറുള്ളവര്‍ ആയി എക്കാലവും നില്‍ക്കണം എന്ന് ഞാന്‍ അഭ്യര്‍ത്ഥിക്കുന്നു.
അച്ചന്മാര്‍ കല്യാണം കഴിക്കാതെ ഇരിക്കുന്നത് എത്രയോ നല്ലത് ആണെന്ന്. അവര്‍ കല്ല്യാണം കഴിക്കാത്തതുകൊണ്ട് ഇവിടെ ക്രിമിനലുകളുടെ എണ്ണം അത്രയും കുറഞ്ഞിരിക്കും!
No comments:
Post a Comment