റമദാന്‍ : യാത്രയാക്കേണ്ട വിധം
മുന്‍കാല വീഴ്ചകളിലേക്ക് തിരിച്ച് പോകില്ലെന്ന് നാം പ്രതിജ്ഞയെടുക്കേണ്ടിയിരിക്കുന്നു. പരിശുദ്ധ റമദാന്‍ ക്ഷമയോടും, സ്ഥൈര്യത്തോടും കൂടി നേരിട്ട വിശ്വാസികള്‍ തിന്മയിലേക്ക് മടങ്ങി തങ്ങളുടെ കര്‍മങ്ങള്‍ പാഴാക്കാതിരിക്കാന്‍ സൂക്ഷ്മത കാണിക്കേണ്ടിയിരിക്കുന്നു. വിശുദ്ധ ഖുര്‍ആന്‍ പറയുന്നുണ്ട്. 'കയര്‍ പിരിച്ചുണ്ടാക്കുകയും അവയെ അഴിച്ച് പഴയത് പോലെ ചകിരിയാക്കുകയും ചെയ്തവളെപ്പോലെ നിങ്ങളാവരുത്'. സല്‍ക്കര്‍മങ്ങള്‍ ധാരാളം ചെയ്ത് റമദാനില്‍ മാത്രം അല്ലാഹുവിനെ സ്മരിക്കുന്ന സമൂഹം എത്ര മോശമാണ്.
നമ്മുടെ കര്‍മങ്ങള്‍ അല്ലാഹു സ്വീകരിക്കുമോ എന്ന ആശങ്ക നമുക്കുണ്ടാവേണ്ടതുണ്ട്. പൂര്‍വസൂരികള്‍ തങ്ങളുടെ കര്‍മത്തിന്റെ ഫലത്തെക്കുറിച്ച് ആശങ്കയോടെയായിരുന്നു ജീവിച്ചിരുന്നത്. ഇമാം അലി(റ) പറയാറുണ്ടായിരുന്നു ' കര്‍മത്തെക്കാള്‍ നിങ്ങള്‍ ശ്രദ്ധ ചെലുത്തേണ്ടത് അവയുടെ സ്വീകാര്യതക്കാണ്'. അബ്ദുല്ലാഹ് ബിന്‍ മസ്ഊദ്(റ) പറയുന്നു. 'ആരുടെ കര്‍മങ്ങള്‍ അല്ലാഹു സ്വീകരിച്ചുവോ, നാമവരെ അഭിനന്ദിക്കുന്നു. ആരുടെ കര്‍മങ്ങള്‍ തള്ളപ്പെട്ടുവോ നാം അവരുടെ കാര്യത്തില്‍ അനുശോചനമറിയിക്കുന്നു.'
അതെ, നമ്മുടെ അതിഥി യാത്രയാവുകയാണ്. ഏതാനും നിമിഷങ്ങള്‍ മാത്രമെ നമുക്ക് മുന്നിലുള്ളൂ. പെരുന്നാള്‍ ഉറപ്പിച്ചുവെന്ന വാര്‍ത്ത കേള്‍ക്കുമ്പോള്‍ പൊട്ടിക്കരയുന്നവരായിരുന്നു ഈ ഉമ്മത്തിലുണ്ടായിരുന്നവര്‍. തേങ്ങലോട് കൂടിയായിരുന്നു അവര്‍ പെരുന്നാള്‍ നമസ്‌കാരത്തിന് വന്നിരുന്നത്. ഒരു കവി പറയുന്നത് നോക്കൂ. 'കഴിഞ്ഞ് പോയ റമദാന്‍ ദിനങ്ങളെയോര്‍ത്ത് നിങ്ങള്‍ കരയുക. ബാക്കിയുള്ള നിമിഷങ്ങള്‍ മുതലെടുക്കുക. സഞ്ചരിച്ച് കൊണ്ടിരിക്കുന്ന നമ്മുടെ അവകാശമാണത്.'
ദാഹവും വിശപ്പും സഹിച്ച, രാത്രിയില്‍ ഉറക്കമൊഴിച്ച് നമസ്‌കരിച്ച, സുജൂദിലും റുകൂഇലുമായി ധന്യനിമിഷങ്ങളെ സ്വീകരിച്ച യഥാര്‍ത്ഥ വിശ്വാസിക്ക് മംഗളം.
നാഥാ, ഞങ്ങളുടെ സല്‍ക്കര്‍മങ്ങളെയും അനുഷ്ഠാനങ്ങളെയും നീ സ്വീകരിക്കേണമേ. ഞങ്ങളുടെ പാപങ്ങള്‍ നീ പൊറുത്തു തരേണമേ നാഥാ. അനുഗ്രഹീത റമദാന്റെ ഓരോ നിമിഷത്തെയും ഞങ്ങള്‍ക്കനുകൂല സാക്ഷ്യമാക്കി നീ മാറ്റേണമേ. ആമീന്‍
വിവ : അബ്ദുല്‍ വാസിഅ് ധര്‍മഗിരി www.keralites.net 
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
No comments:
Post a Comment