നിത്യഭാഷണത്തില്‍ അവ അടര്‍ത്തിമാറ്റാന്‍ പ്രയാസമായവിധം അള്ളിപ്പിടിച്ചുനില്‍ക്കുന്നു.
"അല്ല, എന്റെ കണ്ണേട്ടാ, എന്ത് പുണ്യം ങ്ങള് കാണിച്ചത്?'' എന്നു ചോദിക്കുമ്പോള്‍ "അല്ല' യുടെ അര്‍ഥം, പ്രസക്തി, സ്റ്റാറ്റസ് എന്നിവ നാം വര്‍ഗണിക്കാറില്ല.
"അതേയ്' എന്നതിന്റെ അവസ്ഥയും അതുതന്നെ. "അതേയ് എന്താ നിങ്ങടെ പരിപാടി?' "പിന്നെ' എന്ന പദം തീര്‍ത്തും അനാവശ്യമായി ഉപയോഗിക്കുന്ന രീതിയുമുണ്ട്. അതു "പിന്നെ' പറയാനുണ്ടോ?ഈ പദങ്ങളൊക്കെ ശീലങ്ങളായി മാറുന്നു. ഒരു വാക്യത്തില്‍ അവയുടെ യുക്തിയെപ്പറ്റി, relevance (സാംഗത്വം) നാമൊരിക്കലും ആലോചിക്കാറില്ല.
"വന്നിട്ട്' എന്ന വാക്ക് ഞങ്ങള്‍ പാലക്കാടന്മാര്‍ക്ക് വളരെ പഥ്യമാണ്. "രാഗനോ? അവന്‍ വന്നിട്ട് ഷാര്‍ജയിലാണവോ!'."വന്ത്' എന്ന പദം സ്ഥാനത്തും അസ്ഥാനത്തും പ്രയോഗിക്കുന്ന സമ്പ്രദായം ഞങ്ങളുടെ തൊട്ടയല്‍ക്കാരായ തമിഴര്‍ക്കുണ്ട്. ആ സ്വാധീനമാണ് വന്നിട്ട് എന്നതില്‍ കാണുന്നത്.
ആങ്ഗലത്തില്‍ ഇതിനെ filler (പൂരകം) എന്നുപറയും. ഒരുപാടു പൂരകങ്ങള്‍ നാം ഇംഗ്ലീഷില്‍ നിത്യേന വിളമ്പുന്നുണ്ട്.
John is basically a hard - working student. (അടിസ്ഥാനപരമായി) എന്നത് തീര്‍ത്തും അനാവശ്യമായ ഒരു filler വാക്കാകുന്നു. ഒഴിവാക്കേണ്ടതുമാണ്.ശീലിച്ചുപോയതുകൊണ്ട് നമ്മില്‍ മിക്കവരും വേണ്ടിടത്തും വേണ്ടാത്തിടത്തും ഒരു വാക്ക് തിരുകിക്കയറ്റുന്നു.
മറ്റൊരു നിരര്‍ഥക പൂരകപദമത്രെ-actually. Reena is actually the President of the Grama Panchayth. ഇവിടെ actually അനാവശ്യം മാത്രമല്ല, അരോചകവുമാണ്.
You see, so to say, the fact is, onthe whole, so called, I think, I believe, definitely തുടങ്ങിയ നിരവധി ഫില്ലറുകള്‍- പൂരകങ്ങള്‍- വിശേഷിപ്പിച്ചൊരു ആവശ്യവുമില്ലാതെ നാം പ്രയോഗിക്കുന്നുണ്ട്.
It appears/ it seems എന്നിവയും ഈ ഗ്രൂപ്പില്‍പ്പെടുന്നു.He is stubborn, you see.
The fact is that they are'nt ready to co-operate with us.
She, I believe has a mind of her own.
പ്രസ്താവത്തിന് ഒരു അനൗപചാരികതയോ, വ്യക്തിസ്പര്‍ശമോ നല്‍കാന്‍ ഇവ സഹായിക്കുമെങ്കിലും പൂരകങ്ങളുടെ പ്രയോഗം പലപ്പോഴും തീര്‍ത്തും അനാവശ്യവും ചെടിപ്പിക്കുന്നതുമായി അനുഭവപ്പെടാറുണ്ട്.
അവയെ നിരോധിക്കണമെന്നു പറഞ്ഞ ശൈലീകാരന്മാരുണ്ട്. ഫ്ളൗളര്‍ ആ അഭിപ്രായക്കാരനായിരുന്നു.Sir Ernest Gowersനെും നേരെ നിലപാടാണ് ഉണ്ടായിരുന്നത്.
ശീലങ്ങള്‍ മാറ്റാന്‍ ബുദ്ധിമുട്ടായതിനാല്‍ അവയെ അവയുടെ പാട്ടിനുവിടുകയാണ് ഭേദമെന്നാണ് David Crystal നിര്‍ദേശം.വര്‍ത്തമാന ഇംഗ്ലീഷ് പേച്ചിലും എഴുത്തിലും വലിയതോതില്‍ പ്രചരിക്കുന്ന Vogue words (പരിഷ്കാരവാക്കുകള്‍,words of fashion) ന്റെ വലിയൊരു ലിസ്റ്റ് അടുത്തകാലത്ത് The Guardian പത്രം പുറത്തിറക്കുകയുണ്ടായി.
ഈ പദങ്ങള്‍ പല പഴയ വാക്കുകളെയും നിര്‍ദാക്ഷണ്യം പുറംതള്ളിയിരിക്കുന്നുവെന്നും പുതിയ എഴുത്തില്‍ അവയ്ക്കുള്ള മുഖ്യസ്ഥത കണ്ടില്ലെന്നും നടിക്കാനാവില്ലെന്നും The Guardianപറയുന്നുണ്ട്.അവയില്‍ ചില വാക്കുകള്‍ താഴെ കൊടുക്കുന്നു.
Academic, acid test, aggressive (enterprising), allergic (strong dislike), ambience (atmosphere), backlash (reaction), Break through (major advance), blueprint (Plan), constructive (positive), dimension (aspect), euphoric (happiness), ethnic (foreign/exotic), feedback (response). വലിയൊരു vogue word list ല്‍നിന്ന് ഏതാനും സാമ്പിളുകള്‍ പെറുക്കിയെടുക്കുകയാണ് ഞാന്‍ ചെയ്യുന്നത്; സ്ഥലപരിമിതിമൂലം.
Academic എന്നതിന് theoretical (സൈദ്ധാന്തികം) എന്ന അര്‍ഥംകൂടി കൈവന്നിട്ടുണ്ട്.
ആധുനിക വ്യവഹാരങ്ങളില്‍ academic examination എന്നു പറഞ്ഞാല്‍ theoretical analysis- സിദ്ധാന്തപരമായ അപഗ്രഥനം/ആലോചന എന്ന് അര്‍ഥംവരുന്നുണ്ട്.This book is an academic study of popular culture (ഈ പുസ്തകം സാമാന്യ സംസ്കാരത്തിന്റെ സിദ്ധാന്തപഠനമാകുന്നു).
Acid test, അമ്ലപരീക്ഷണം/കടുത്ത പരീക്ഷണം. പത്രക്കാര്‍ക്ക് പ്രിയപ്പെട്ട പരിഷ്കാരപദമായി മാറിയിരിക്കുന്നു.
ഇതു വന്നത് ലബോറട്ടറിയില്‍നിന്നാണ്. This is likely to be an acid test for secular and progressive forces (മതേതര പുരോഗമനശക്തികള്‍ക്ക് ഇത് ഒരു അമ്ലപരീക്ഷയായിത്തീരാന്‍ ഇടയുണ്ട്).Aggressive - ആക്രമണോത്സുകം എന്നതില്‍ കവിഞ്ഞ് enterprising (ഉത്സാഹശീലമുള്ള) എന്ന ധ്വനി ഇക്കാലത്തു കൈവന്നിരിക്കുന്നു.
His aggressive marketing strategy paid dividends. ********************************************
ആളുകളെ ചെണ്ടകൊട്ടിക്കാനുള്ള ആംഗലത്തിന്റെ അപാരമായ കഴിവ് അഭിനന്ദനീയമാണോ അപലപനീയമാണോ എന്ന് നല്ല തീര്‍ച്ചയില്ലെന്നാണ് ഭാഷാ വിജ്ഞാനീയത്തിന്റെ മാകര കണ്ട ഡേവിഡ് ക്രിസ്റ്റല്‍ പറഞ്ഞത്.
Homophone പദങ്ങള്‍, Homonym പദങ്ങള്‍ നമ്മെ കൊട്ടയാട്ടാന്‍ പോന്നവയാണ്.Sea/See, teem/team, tee/tea, troop/troupe/troup എന്നീ കുഴപ്പക്കാരെ നോക്കു. ഒരേ ഉച്ചാരണം, വ്യത്യസ്ത അര്‍ഥങ്ങള്‍.
Can you see the sea from the top of the hill? (കുന്നിന്‍മുകളില്‍നിന്ന് നിങ്ങള്‍ക്ക് കടല്‍ കാണാന്‍പറ്റുന്നുണ്ടോ?).The town teems with tourists in the summer months (വേനല്‍മാസങ്ങളില്‍ പട്ടണം വിനോദസഞ്ചാരികളെക്കൊണ്ട് കുമിയുന്നു).
Sachin has always played for his team and never for himself (സച്ചിന്‍ എപ്പോഴും അദ്ദേഹത്തിന്റെ ടീമിനുവേണ്ടിയാണ് കളിക്കാറ്; ഒരിക്കലും അദ്ദേഹത്തിനുവേണ്ടിയല്ല).Tea നമുക്കു പ്രിയപ്പെട്ട ചായ, നമ്മുടെ പ്രഭാതങ്ങളെ ഉന്മേഷകരമാക്കുന്ന ചൂടുള്ള പാനീയം; ചീനന്റെ മഹത്തായ സംഭാവന, Would you care for a cup of tea? (ഒരുകപ്പു ചായ കഴിക്കാന്‍ വിരോധമുണ്ടോ സാറേ?).
Philosophy isn't every man's cup of tea (വേദാന്തമെന്നത് എല്ലാവര്‍ക്കും പഥ്യമായ ചായയല്ല).Tee എന്നാല്‍ ചില കളികളിലെ, ഗോള്‍ഫ്പോലുള്ള ഗെയിമുകളിലെ പ്രാരംഭ സ്ഥാനം- starting point ആകുന്നു.
Every arrangement was perfect to a tee (എല്ലാ ഏര്‍പ്പാടും കിറുകൃത്യമായിരുന്നു).CANNON പഴയ പീരങ്കിയാകുന്നു. വലിയ തുപ്പാക്കി, great gun.
ഇവനെ പണ്ടത്തെ യുദ്ധങ്ങളില്‍ ഒരു വലിയ നശീകരണ ശക്തിയായാണ് കണ്ടിരുന്നത്.പീരങ്കിയുടെ മുമ്പില്‍ പിടിച്ചുനില്‍ക്കാന്‍ കഴിയാതെവന്നതുകൊണ്ടാണ് രാജാക്കന്മാര്‍ പല യുദ്ധങ്ങളും തോറ്റതെന്ന് ചരിത്രം പറയുന്നു.
പട്ടാളക്കാരെ Cannon-fodder എന്നു വിളിച്ചിരുന്നു. പീരങ്കിയുടെ തീറ്റ.ഇന്ന് അത് ഒരു അലങ്കാരവസ്തുവായി ചില പഴയ കോട്ടകള്‍ക്കുമുമ്പിലും മ്യൂസിയങ്ങളിലും അവശേഷിക്കുന്നു.
The poet sang of peace and love when the Cannons roared. (പീരങ്കികള്‍ ചുറ്റും ഗര്‍ജിക്കുമ്പോള്‍ കവി സമാധാനത്തെക്കുറിച്ചും സ്നേഹത്തെക്കുറിച്ചും പാടി).കവി പോത്തിന്റെ ചെകിട്ടില്‍ വേദമോതാന്‍ പുറപ്പെട്ടു എന്നു സാരം.
CANON കഥമാറി. അത് സാമാന്യ നിയമമാണ്; ധര്‍മസിദ്ധാന്തമാണ്.
An individual is bound to respect the moral canon of the society. (സമൂഹത്തിന്റെ ധര്‍മസംഹിതയെ ബഹുമാനിക്കാന്‍ ഒരു വ്യക്തി ബാധ്യസ്ഥനാകുന്നു).പള്ളി/തിരുസഭ/നിയമവും കാനോന്‍ (Canon) ആകുന്നു. ഈ വേദപ്രമാണ വിദഗ്ധനാണ് Canonist.
പ്രാര്‍ഥനാവേളയാണ് Canonical hours.പുണ്യാളപദവിയിലേക്ക് ഉയര്‍ത്തുന്നതാണ് Canonisation (S-ന്റെ സ്ഥാനത്ത് Z-ഉം ഉപയോഗിക്കാം).
ചില നേതാക്കളെ മരണാനന്തരം പുകഴ്ത്തി ആകാശത്തോളം ഉയര്‍ത്താനുള്ള ശ്രമങ്ങളും ഉണ്ടാകാറുണ്ട്. ഇതിന് Political canonisation എന്നു പറയും. www.keralites.net          |
Posted by: Aniyan <jacobthomas_aniyankunju@yahoo.com>
| Reply via web post | • | Reply to sender | • | Reply to group | • | Start a New Topic | • | Messages in this topic (1) |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: http://www.keralites.net
