ഒരു ചെറിയ പ്രണയ കഥ ... എല്ലാവരും ഉറപ്പായിട്ട് വായിക്കണം ... ഒരു വഴിത്തിരിവുണ്ട്.... ഞാൻ +2 പഠിക്കുന്ന കാലം ... ഒരു ദിവസം ഞാനും എന്റെ ഒരു ഫ്രെണ്ടും കൂടി +1 കൊമ്പൌണ്ടിലെക്ക് വായി നോക്കി നടക്കുവാരുന്നു പെട്ടന്ന് ഞാൻ ഒരു മുഖം കണ്ടു വെളുത്തു തുടുത്ത മുഖം പൊക്കം കുറവാണ് എന്നാലും കാണാൻ ഒരു കിടിലൻ പീസ് ... കറുത്ത ഷാൾ കൊണ്ട് തല മറച്ചിട്ടുണ്ട്.. കൂട്ടുകാരികളുമായി നിന്ന് കത്തി വക്കുകയാണ് ...
ഒരു നിമിഷം ഞാൻ അവളെ തന്നെ നോക്കി നിന്ന് പോയി..... എന്റെ കൂടെ ഉണ്ടായിരുന്ന കൂട്ടുകാരനു അവളെ പരിജയമുണ്ടായിരുന്നു അവൻ അവളോട് സംസാരിച്ചു. ഞാൻ അടുത്ത് നിന്നതുകൊണ്ടാവണം അവൾ പെട്ടന്ന് ക്ലാസിലേക്ക് കയറിപ്പോയി .. റാഗിംഗ് കാരണം +1 ലെ പെണ്കുട്ടികൾക്ക് ഞങ്ങളെ പേടിയായിരുന്നു .. ആ കാരണത്താലാവണം അവൾ പെട്ടന്ന് കയറിപ്പോയത് ..!! അവളെ കണ്ടപ്പോൾ തന്നെ എന്റെ മനസ്സിൽ ലഡ്ഡു പൊട്ടിയിരുന്നു.. അവളെ കണ്ടതിനു ശേഷം എന്റെ മനസ്സിൽ മുഴുവനും അവളുടെ മുഖമായിരുന്നു ...
ഞാൻ ഇത്രയും നാൾ തേടി നടന്നിരുന്ന മുഖം ... പിന്നെ ഞാൻ ആ സത്യം മനസിലാക്കി ഞാൻ അവളെ സ്നേഹിക്കുന്നു ... അങ്ങനെ ഞാൻ ബാക്കിയുള്ള എല്ലാ കണക്ഷനുകളും നിർത്തി .. അവൾക്ക് മാത്രമായി എന്റെ ഹൃദയത്തിന്റെ വാതിൽ തുറന്നിട്ടു..ക്ലാസ് കഴിഞ്ഞ് ഞാൻ വീട്ടിലേക്ക് പോയി പോയ വഴിയിലും അവളെ കുറിച്ചുള്ള ചിന്തകൾ മാത്രം.. വീട്ടിൽ ചെന്ന് മുറിയിൽ കയറി ഇരുന്നു അപ്പോളും അവളുടെ മുഖം ഉറങ്ങാൻ കിടന്നപ്പോളും അവളുടെ മുഖം ..
പിറ്റെ ദിവസം സ്കൂളിലെത്തി അവളെ ക്കുറിച്ച് അന്വേഷിച്ചു നല്ല കുട്ടിയാ എന്നെല്ലാവരും പറഞ്ഞു .. സ്കൂളിൽ നിന്നും 2 കിലോ മീറ്റർ മാത്രം ദൂരമെ അവളുടെ വീട്ടിലെക്ക് ഉള്ളു ഒരു ഇടത്തരം കുടുംബം .. ഉപ്പ അറബി രാജ്യത്താണ് ജോലി ചെയ്യുന്നത് വീട്ടിൽ ഉമ്മയും,അനിയനും,ഇത്താത്തയും മാത്രം... ആങ്ങളമാർ ഇല്ല , റിസ്ക്ക് ഒഴിവായി ... അവൾക്ക് കുറെ പ്രനയാഭ്യർത്തനകൾ വരുന്നുണ്ട് ആരെങ്കിലും കൊത്തിക്കൊണ്ട് പോകുന്നതിനു മുൻപ് ഇവളെ സ്വന്തമാക്കണം എന്ന് ഞാൻ മനസ്സിൽ ഉറപ്പിച്ചു.. അങ്ങനെ ഞാൻ എന്റെ ഇഷ്ടം അവളോട് പറയാൻ തീരുമാനിച്ചു പക്ഷെ ഉള്ളിലൊരു അങ്കലാപ്പായിരുന്നു ...സമയവും സാഹചര്യവും ഞാൻ എന്റെ ഇഷ്ടം അവളോട് പറഞ്ഞിരിക്കും ... അവളെ ആദ്യം കണ്ണ് കൊണ്ട് വളക്കാൻ തീരുമാനിച്ചു എന്നെ പറ്റിയുള്ള പേടി അവളുടെ മനസ്സിൽ നിന്നും മാറ്റി എടുക്കണം .. അങ്ങനെ പിറ്റെ ദിവസം ഉച്ച സമയത്ത് കൂട്ടുകാരുമൊത്ത് വരാന്തയിൽ നില്ക്കുകയായിരുന്നു .. അപ്പോൾ അവൾ ഞങ്ങളുടെ മുന്നിലൂടെ കടന്നു പോയി ഞാൻ അവളുടെ കണ്ണുകളിലേക്ക് തന്നെ നോക്കി അവളും എന്നെ ഒന്ന് നോക്കി പെട്ടന്ന് തന്നെ അവൾ തല വെട്ടിച്ചു കളഞ്ഞു.എന്തോ ഒരു നാണം പോലെ.. ഞാൻ അവളെ തന്നെ നോക്കി നിന്നു..
" എന്റെ പടച്ചോനെ അവൾ ഒന്ന് തിരിഞ്ഞു നോക്കിയിരുന്നെങ്കിൽ"
കുറച്ചു മുന്നോട്ട് ചെന്ന് അവൾ തിരിഞ്ഞു നോക്കി കൂടെ ഒരു ചിരിയും പാസാക്കി ... എന്റെ മനസ്സിൽ മറ്റൊരു ലഡ്ഡു പൊട്ടി..പിന്നെ എന്നും കണ്ണിലൂടെ അവളുമായി ആശയവിനിമയം നടത്തി . എപ്പോളും അവളെ തന്നെ നോക്കും .കാണുമ്പോൾ എല്ലാം അവളെ നോക്കി ചിരിക്കും . അവളും ഒരു ചെറു പുഞ്ചിരി തരും ഞങ്ങൾ എവടെ നിന്നാലും അവൾ എന്നെ കാണാൻ പറ്റുന്ന രീതിയിൽ വന്നു നില്ക്കും .എനിക്ക് മനസിലായി അവള്ക്ക് എന്നെ ഇഷ്ടമാണെന്ന് ഇനി ഇങ്ങനെ വയ്യ അവളോട എന്റെ ഇഷ്ടം തുറന്നു പറയണം പറഞ്ഞെ പറ്റു.. ഞാൻ അവളെ പ്രണയിക്കുന്ന കാര്യം എന്റെ ഫ്രെണ്ട്സിനു പോലും അറിയില്ല അവന്മാരോട് പറഞ്ഞാൽ ശരിയാകില്ല ..പറഞ്ഞാൽ ഞങ്ങടെ പഞ്ചായത്ത് മുഴുവൻ അറിയും .ചിലപ്പോള അതുമതി അവൾ എന്നെ വെറുക്കാൻ.. അവളോട് ഇത് വരെ ഒന്ന് മിണ്ടിയിട്ട് പോലുമില്ല.പിന്നെങ്ങനാ ഞാൻ അവളോട് എന്റെ ഇഷ്ടം പറയണത്..??? ഒരു കാര്യം ഉറപ്പാ അവള്ക്കും എന്നെ ഇഷ്ടമാ...ചിലപ്പോൾ അത് എന്റെ വായിൽ നിന്നും കേൾക്കാൻ കാത്തിരിക്കുകയാവും അവൾ .. എന്തായാലും അവളോട് എന്റെ പ്രണയം തുറന്നു പറയാൻ തന്നെ തീരുമാനിച്ചു. അതിനായി അവളുടെ ജനന ദിനം തന്നെ തിരഞ്ഞെടുത്തു . അവള്ക്കായി ഒരു കിടിലൻ ഗിഫ്റ്റും വാങ്ങി. അങ്ങനെ അവളുടെ പിറന്ന നാൾ വന്നു..നല്ല പോലെ ഒരുങ്ങി സ്കൂളിലേക്ക് പോയി..നല്ലപോലെ ഹൃദയം ഇടിക്കുന്നുണ്ട് എന്തായാലും ഇന്നവളോട് ഇഷ്ടമാണെന്ന് പറഞ്ഞിരിക്കും ഉറപ്പു തന്നെ.ഉച്ചഭക്ഷണത്തിന്റെ സമയത്ത് അവളെ കണ്ടു പുതിയ ഡ്രെസ്സൊക്കെ .. ധരിച്ച് കിടിലൻ തന്നെ.. ഹോ എന്തൊരു ഭംഗിയാ പടച്ചോനേ..!!! ഇവളെ സ്വന്തമാക്കിയെ പറ്റൂ..അവളോട് ഇഷ്ടം കൂടി കൂടി വന്നു അവൾ എന്നെ കണ്ടു. എന്നും തരുന്ന ആ പുഞ്ചിരി അവൾ അപ്പോഴും തന്നു. ഞാൻ വേറെ ഏതോ ഒരു ലോകത്ത് ആയിപ്പോയി .. അങ്ങനെ വൈകുന്നേരം ആയി സ്കൂൾ വിട്ടു. എന്റെ ഇഷ്ടം അവളെ അറിയിക്കാനുള്ള സമയം ആയി. ഞാനും കൂട്ടുകാറും ബസ്സ് സ്റ്റോപ്പിൽ നില്ക്കുകയായിരുന്നു അവളും കൂട്ടുകാരികളും വന്നു.ഞങ്ങളെ കണ്ടപ്പോൾ അവൾ ഒന്ന് ചിരിച്ചു പിന്നെ ബാഗിൽ നിന്നും കുറച്ച് സ്വീറ്റ്സും പിന്നെ എന്തോ ഒരു ഗിഫ്റ്റും എടുത്തു ഞങ്ങളുടെ അടുത്തേക്ക് വന്നു അവൾക്ക് കൊടുക്കാനുള്ള ഞാൻ കൈയ്യിൽ എടുത്തു ഒരുങ്ങി നിന്നു.. അവൾ അടുത്തേക്ക് വന്നു എന്നിട്ട് അതിൽ നിന്നും ഒരു മഞ്ച് എന്റെ നേരെ നീട്ടി :" ബ്രെതെർ ഇന്നെന്റെ ജനന ദിവസമാ"..!!! ഞാൻ ഞെട്ടിപ്പോയി .. തല കറങ്ങുവാണോ അതോ ഭൂമി കറങ്ങുവാണോ?.. എന്നെ ഒന്ന് താങ്ങിക്കോളനെ...!!! പിന്നെ അവൾ കൈയ്യിലിരുന്ന ആ ഗിഫ്റ്റ് എടുത്ത് എന്റെ കൂട്ടുകാരന് കൊടുത്തിട്ടു പറഞ്ഞു.." ഇതെന്റെ ഇക്കാക്കുള്ള എന്റെ പ്രനയസമ്മാനം" എനിക്കൊന്നും മനസിലായില്ല.. ഞാൻ പഴയതെല്ലാം ഒന്ന് തിരിച്ച് ചിന്തിച്ചു .. അതെ എന്റെ കൂട്ടുകാരനും അവളും ആരുമറിയാതെ ഇത്രയും നാൾ പ്രണയിക്കുക ആയിരുന്നു.. അവൾ കണ്ണുകൊണ്ട് ആശയവിനിമയം നടത്തിയതും ചിരിച്ചതും എന്റെ നേർക്കല്ല എന്റെ അടുത്ത് നിന്നിരുന്ന എന്റെ കൂട്ടുകാരനു നേരെ ആയിരുന്നു..!!! അവർ തമ്മിൽ വളരെ കാലമായി പ്രണയിക്കുന്നു.. അവൻ ഇതാരോടും പറഞ്ഞിരുന്നില്ല.എന്നോട് പോലും .. പ്രണയം വെളിയിൽ അറിഞ്ഞാൽ വലിയ പ്രശ്നം ആകും എന്ന് പേടിച്ചാവും.. അവൻ അവന്റെ ബാഗിൽ നിന്നും ഒരു വല്ല്യ ഗിഫ്റ്റ് എടുത്ത് അവൾക്ക് കൊടുത്തു എന്നിട്ട് പറഞ്ഞു " ഹാപ്പി ബെര്ത്ത് ഡെ ടു യു ഡാ " അവൾ അതും വാങ്ങി " രാത്രി ഞാൻ വിളിക്കുമേ " എന്നും പറഞ്ഞു ഓടിപ്പോയി.. പകുത്തി ബോധം ഇല്ലാതെ നിന്നിരുന്ന എന്നെ നോക്കി അവൻ പറഞ്ഞു " മച്ചാ നീ ദയവു ചെയ്ത് ഇതാരോടും പറയല്ലെടാ " ചെലവ് ചെയ്യാം .. ഞാൻ പതുക്കെ തലയാട്ടി ..!!!!
ഒരു ചെറിയ ഉപദേശം പ്രണയം മനസ്സിൽ വന്നാൽ അത് സമയത്ത് പോയി പറഞ്ഞില്ലേൽ വേറെ ആണ്പിള്ളേർ കൊണ്ട് പോകും..
"മണ്ണും ചാരി നിന്നവാൻ പെണ്ണും കൊണ്ടി പോയി എന്ന് പറയുന്നത് പോലെ " www.keralites.net 
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: http://www.keralites.net
No comments:
Post a Comment