സൂപ്പര്‍താരങ്ങളെ ഹാസ്യാത്മകമായി വിമര്‍ശിച്ച ഉദയനാണ് താരത്തിന്റെ രണ്ടാം ഭാഗത്തിന് തുടക്കമായി. പത്മശ്രീ ഭരത് ഡോ.സരോജ് കുമാര്‍ എന്ന് പേരിട്ടിരിക്കുന്ന രണ്ടാം ഭാഗത്തിന്റെ ചിത്രീകരണം വൈക്കത്ത് ആരംഭിച്ചു. നവാഗതനായ സജിന്‍ രാഘവന്‍ സംവിധാനം ചെയ്യുന്ന ചിത്രത്തിന്റെ രചനയ്‌ക്കൊപ്പം സൂപ്പര്‍താരമായി ശ്രീനിവാസന്‍ തന്നെ വീണ്ടുമെത്തുന്നു. ആദ്യഭാഗത്തെ അപേക്ഷിച്ച് സൂപ്പര്‍താരത്തിന്റെ വ്യക്തിജീവിതത്തിനും മറ്റുമാണ് ഇതില്‍ ഊന്നല്‍. നിലീമ എന്ന നായികയായി അഭിനയിക്കുന്നത് മംമ്തയാണ്.
ബേബിക്കുട്ടന്‍, പച്ചാളം ഭാസി, റഫീഖ് എന്നിവരായി യഥാക്രമം മുകേഷ്, ജഗതി, സലിം കുമാര്‍ എന്നിവര്‍ വീണ്ടും രംഗത്തെത്തുന്നു. സരോജ് കുമാര്‍ ഫാന്‍സ് അസോസിയേഷന്‍ പ്രസിഡന്റ് മുട്ടത്തറ സാബു എന്ന കഥാപാത്രമായി സുരാജും ചിത്രത്തിലുണ്ട്. വിനീത് ശ്രീനിവാസന്‍, ഫഹദ് ഫാസില്‍ എന്നിവരാണ് മറ്റ് പ്രധാന വേഷങ്ങളില്‍. ഉദയഭാനുവിനെ അവിസ്മരണീയമാക്കിയ മോഹന്‍ലാല്‍ ചിത്രത്തിലുണ്ടാവില്ല.
വൈശാഖ് മൂവീസിന്റെ ബാനറില്‍ വൈശാഖ് രാജനാണ് ചിത്രം നിര്‍മ്മിക്കുന്നത്. എസ് കുമാര്‍ ഛായാഗ്രഹണം നിര്‍വഹിക്കുന്ന ചിത്രത്തിന് ദീപക് ദേവ് തന്നെയാണ് ഈണങ്ങള്‍ ഒരുക്കുക.
www.keralites.net          |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
No comments:
Post a Comment