__._,_.___
KERALITES - A moderated eGroup exclusively for Keralites...
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: http://www.keralites.net
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: http://www.keralites.net
.
__,_._,___
ഊട്ടിയിലെ ഹെബ്രോണ് സ്കൂളിലാണ് ഞാന് പഠിച്ചത്. കര്ശനമായ ചിട്ടകള്ക്കൊപ്പം ആഹഌദകരമായ ഒഴിവു സമയങ്ങളും സ്കൂളിന്റെ പ്രത്യേകതയായിരുന്നു. നല്ല സൗഹൃദങ്ങളും ആ സ്കൂള് എനിക്കു തന്നു. അവധി ദിവസങ്ങളില് ഞങ്ങള് പല പല യാത്രകള് നടത്തി. ട്രെക്കിങ്ങിന് പോയി. കാഴ്ചകള് കാണുകയും കയറ്റിറക്കങ്ങള് താണ്ടുകയും ചെയ്തു. യാത്രയും ട്രെക്കിങ്ങും എന്റെ ഹരമായി മാറുന്നത് ഈ കാലത്താണ്.
ഡല്ഹിയില് നിന്നും ഹരിദ്വാറിലേക്കാണ് യാത്ര തുടങ്ങിയത്. മുസാഫര് നഗര്, മീററ്റ്, റൂര്ക്കി വഴി ആറു മണിക്കൂറോളമുണ്ട് ഈ ട്രെയിന് സഞ്ചാരം. വയലുകളും തണല്മരങ്ങളും നിറഞ്ഞവഴികള്. ദേവഭൂമിയിലേക്കുള്ള കവാടമാണ് ഹരിദ്വാര്. ഹരിദ്വാറില് വച്ച് ഞാന് ഗംഗാനദി കണ്ടു, ആദ്യമായി. തീരത്ത് നിരവധി ആശ്രമങ്ങളും ക്ഷേത്രങ്ങളും. എങ്ങും ഭക്തജനങ്ങള്.
പിറ്റേന്ന്യാത്ര തുടര്ന്നു. ജോഷിമഠിലെ രാത്രിയ്ക്കു ശേഷം ഗോവിന്ദഘട്ടായിരുന്നു ലക്ഷ്യം. ഇരുപത്തിരണ്ട് കിലോമീറ്ററുണ്ട്. ഷെയര് ടാക്സിയിലായിരുന്നു യാത്ര. വഴിയില് ആകാശം മുട്ടുന്ന പര്വ്വതവും മഞ്ഞും വനവും മാത്രം...
പുലര്ച്ചെ പൂക്കളുടെ താഴ്വരയിലേക്കു നടന്നു. ചുറ്റും വനങ്ങള്. കുതിച്ചൊഴുകിവരുന്ന അരുവികള്. മഞ്ഞുമൂടി, നനഞ്ഞ ശിലാ ശിഖരങ്ങള്. ഉരുളന് കല്ലുകള് നിറഞ്ഞ താഴ്വാരങ്ങള്. വെയില് മാറി മാറി വീഴുന്ന പച്ചപ്പുകള്. കടുംനീല നിറത്തില് തിളങ്ങുന്ന ആകാശം. വഴിയില് പുഷ്പവാടി ഗംഗ ഒഴുകിവരുന്നു. അത് മുറിച്ചു കടന്നു നടന്നു. ഒടുവില് ഒരു ഗ്ലേസിയറും കടന്നാല് പൂക്കളുടെ താഴ്വരയിലെത്തി.
കാഠ്മണ്ഡുവിലേക്കായിരുന്നു രണ്ടാംഘട്ട യാത്ര. ഡല്ഹിയില് നിന്നും ബിഹാര്-നേപ്പാള് അതിര്ത്തിയിലെ റക്സോള് വരെ ട്രെയിനില്. 26 മണിക്കൂര്. സാധാരണ കംപാര്ട്ട്്മെന്റിലായിരുന്നു ഞങ്ങള്. ജീവിതത്തിലെ എല്ലാ തരക്കാരും ഞങ്ങള്ക്കു ചുറ്റുമുണ്ടായിരുന്നു. പൊടിയും ചൂടും പലതരം ഗന്ധങ്ങളും.
