ഐതിഹാസികപോരാട്ടം രാജ്യം നിശ്ചലം
ബിഹാറില്‍ സര്‍വകലാശാലകളും വിദ്യാലയങ്ങളും പ്രവര്‍ത്തിച്ചില്ല.
പശ്ചിസബംഗാളിലെ ഹസനാബാദിലും ഡയമണ്ടിലും തൊഴിലാളികള്‍ ട്രയിന്‍ തടഞ്ഞത് സംസ്ഥാനത്തെ റയില്‍ ഗതാഗതത്തെ താറുമാറാക്കി. മമതാ ബാനര്‍ജിയുടെ തൃണമൂല്‍ സര്‍ക്കാര്‍ ഉയര്‍ത്തിയ ഭീഷണി വകവെയ്ക്കാതെ തൊഴിലാളികള്‍ വന്‍തോതില്‍ പണിമുടക്കില്‍ അണിനിരന്നതായി കൊല്‍ക്കത്തയില്‍ നിന്നുള്ള റിപ്പോര്‍ട്ടുകള്‍ വ്യക്തമാക്കുന്നു.
പഞ്ചാബിലും ഹരിയാനയിലും ചണ്ഡീഗഡിലും പണിമുടക്ക് ജനജീവിതത്തെ നിശ്ചലമാക്കി. പൊതുഗതാഗത സംവിധാനം താറുമാറായി. ശുചീകരണ തൊഴിലാളികളടക്കം പണിമുടക്കില്‍ പങ്കുചേര്‍ന്നത് ചണ്ഡീഗഡിലെ പോസ്റ്റ്ഗ്രാജ്വേറ്റ് ഇന്‍സ്റ്റിറ്റിയൂട്ട് ഓഫ് മെഡിക്കല്‍ എജ്യൂക്കേഷന്‍ ആന്‍ഡ് റിസര്‍ച്ചിന്റെ പ്രവര്‍ത്തനത്തെ പ്രതികൂലമായി ബാധിച്ചു.
പഞ്ചാബിലെ 1.70 ലക്ഷം ചെറുകിട വ്യവസായങ്ങളും ഹരിയാനയിലെ 1212 വന്‍കിട, ഇടത്തരം വ്യവസായങ്ങളെയും പണിമുടക്ക് നിശ്ചലമാക്കി. പണിമുടക്കിയ തൊഴിലാളികള്‍ക്ക് വേതനം നിഷേധിക്കുമെന്ന് പഞ്ചാബ് സര്‍ക്കാര്‍ ഭീഷണി മുഴക്കി.
ലക്‌നൗവില്‍ സര്‍ക്കാര്‍ ഓഫീസുകള്‍ ഒന്നും പ്രവര്‍ത്തിച്ചില്ല. ബാങ്കുകള്‍ അടഞ്ഞുകിടന്നു. പൊതുഗതാഗതം നിശ്ചലമായി.
ബംഗളൂരുവില്‍ പണിമുടക്കിനെ നേരിടാന്‍ 17,000 പൊലീസ് സേനാംഗങ്ങളെ വിന്യസിച്ചതായി അവിടെ നിന്നുള്ള റിപ്പോര്‍ട്ടുകള്‍ വ്യക്തമാക്കുന്നു.
രാജ്യത്തുടനീളം എല്‍ ഐ സി ഏജന്റുമാര്‍ പണിമുടക്കില്‍ പങ്കുചേര്‍ന്നു.
ഇന്ത്യയുടെ ഓട്ടോമൊബൈല്‍ വ്യവസായത്തിന്റെ സിരാകേന്ദ്രമായ ഗുഡ്ഗാവ്, മനേസര്‍ ആഹേര മേഖല പണിമുടക്കിനെ തുടര്‍ന്ന് പൂര്‍ണമായി സ്തംഭിച്ചു. ഇന്ത്യയില്‍ നിര്‍മിക്കുന്ന വാഹനങ്ങളില്‍ പകുതിയിലേറേയും നിര്‍മിക്കുന്നത് ഈ മേഖലയിലെ അമ്പതു കിലോമീറ്റര്‍ ചുറ്റളവിലാണ്. മാരുതി സുസുക്കി, ഹോണ്ട മോട്ടോര്‍ സൈക്കിള്‍സ് ആന്‍ഡ് സ്‌കൂട്ടേഴ്‌സ് തുടങ്ങിയ വ്യവസായങ്ങള്‍ ദ്വിദിന പണിമുടക്കില്‍ പൂര്‍ണമായി അടഞ്ഞുകിടന്നു.
പണിമുടക്ക് 20,000 കോടി രൂപയുടെ സാമ്പത്തിക നഷ്ടം വരുത്തിവച്ചതായി വ്യാവസായിക സംഘടന അസോസിയേറ്റ് ചേംബര്‍ ഓഫ് കൊമേഴ്‌സ് ആന്‍ഡ് ഇന്‍ഡസ്ട്രി വിലയിരുത്തുന്നു.
KERALITES - A moderated eGroup exclusively for Keralites...
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: www.keralites.net
No comments:
Post a Comment