നാളെയും മറ്റന്നാളും പൊതു പണി മുടക്ക്. വീട്ടില്‍ നിന്നും പുറത്തിറങ്ങലുണ്ടാകില്ല. ഭരണകൂടത്തിന്റെ നെറികേടുകള്‍‍ക്കെതിരെ ഭാരത ജനത പോരാട്ടത്തിന്റെ തീക്കാറ്റു വിതക്കുകയാണ്.അടുത്ത രണ്ടു ദിനങ്ങളിലായി.
നാളിതുവരെയില്ലാതവിധം കടുത്ത ജനകീയ പ്രതിഷേധത്തിന്റെ പശ്ചാത്തലത്തിലാണ് പൊതു പണി മുടക്ക് നടക്കുന്നത്.രാജ്യത്തിന്റെ സമസ്ത മേഖലയിലും അരക്ഷിതാവസ്ഥ സൃഷ്ട്ടിച്ച ഇത് പോലൊരു കാലം ഇന്ത്യ ചരിത്രത്തില്‍ ഉണ്ടായിട്ടില്ല.വിലക്കയറ്റം ജനങ്ങളെ പൊറുതി മുട്ടിചിരിക്കുന്നു.പ്രതിഷേധിക്കുന്നവരെ കരി നിയമങ്ങള്‍ കൊണ്ട് നേരിടുന്നു.അഴിമതിയും അഴിഞാട്ടവുമായി ഭരണ വൈതാളികന്മാര്‍ ഉറഞ്ഞു തുള്ളുന്നു.ഇന്ദ്ര പ്രസ്തത്തിലെ ശീതീകരിച്ച സിംഹാസനങ്ങളില്‍ വാണരുള്ന്നവര്‍ ദരിദ്രര ജനതയോട് കാട്ടുന്ന പരി‍ഹാസവും പുച്ചവും മരണക്കിടക്കയില്‍ കിടക്കുന്നവരെ പോലും ഭരണ നപുംസകങ്ങള്‍‍ക്കെതിരെ കയ്യുയര്‍ത്താന്‍ പ്രേരിപ്പിക്കുന്ന അവസ്ഥ.നീതി തേടി അലയുന്ന മര്ധിതന്റെയും ചൂഷിതന്റെയും പട്ടിണിക്കാരന്റെയും ദീന രോദനങ്ങളാണ് എങ്ങും കേള്‍ക്കുന്നത്.മാനം പോയവന്റെ ജീവന് നേരെ തീക്കൊള്ളി കുത്തി അവന്റെ വേദനയില്‍ സുഖം നുരയുന്ന സുധാകര പ്രഭുക്കളുടെ ഭരണ ആഭാസത്തില്‍ മനം നൊന്ത മനുഷ്യന്റെ അവസാന പോരാട്ടത്തിന്റെ ആരംഭമാണ് ദ്വിദിന ദേശീയ പണിമുടക്ക്.............
രാജ്യം ഐതിഹാസിക സമരത്തിലേക്ക് -- ജനവിരുദ്ധ നയങ്ങള്‍ക്കെതിരെ പ്രതിഷേധിക്കുക !
വ്യാപാരി വ്യവസായി സംഘടനകള്‍ കടകമ്പോളങ്ങള്‍ അടച്ചും പൊതുജനങ്ങള്‍ യാത്ര ഒഴിവാക്കിയും പണിമുടക്കുമായി സഹകരിക്കണമെന്ന് സമിതി അഭ്യര്‍ഥിച്ചു. കേന്ദ്രസര്‍ക്കാരിന്റെ ജനവിരുദ്ധ-തൊഴിലാളിദ്രോഹ നയങ്ങള്‍ തിരുത്തണമെന്നാവശ്യപ്പെട്ടാണ് രണ്ടു ദിവസത്തെ പണിമുടക്ക്. പണിമുടക്ക് രാജ്യത്തിന്റെ വളര്‍ച്ചയെ ബാധിക്കുമെന്ന പ്രചാരണത്തിന് ഒരടിസ്ഥാനവുമില്ല. കേന്ദ്രനയങ്ങള്‍ സംസ്ഥാനങ്ങള കടുത്ത പ്രതിസന്ധിയിലാക്കിയിരിക്കുകയാണ്.
കേരളം ഇപ്പോള്‍ അഭിമുഖീകരിക്കുന്ന വൈദ്യുതി, കെഎസ്ആര്‍ടിസി പ്രതിസന്ധി ഇതിന് ഉദാഹരണമാണ്. തൊഴിലാളികള്‍ സമരം ചെയ്തു നേടിയെടുത്ത ക്ഷേമപദ്ധതികള്‍ സര്‍ക്കാര്‍ നിര്‍ത്തലാക്കുകയാണ്.
വിലക്കയറ്റം തടയുക,
തൊഴിലും തൊഴില്‍ശാലകളും സംരക്ഷിക്കുക,
തൊഴില്‍നിയമങ്ങള്‍ ഉറപ്പുവരുത്തുക,
അസംഘടിതമേഖലയിലെ തൊഴിലാളികള്‍ക്ക് സാമൂഹ്യസുരക്ഷ ഉറപ്പാക്കുക,
ലാഭത്തില്‍ പ്രവര്‍ത്തിക്കുന്ന പൊതുമേഖലാ സ്ഥാപനങ്ങളുടെ ഓഹരി വിറ്റഴിക്കരുത്,
താല്‍ക്കാലിക- കരാര്‍ ജീവനക്കാര്‍ക്ക് സ്ഥിരംജീവനക്കാരുടെ വേതനം നല്‍കുക,
മിനിമം വേതനം 10,000 രൂപയായി നിശ്ചയിക്കുക തുടങ്ങി പത്ത് ആവശ്യങ്ങള്‍ ഉന്നയിച്ചാണ് പണിമുടക്ക്.
എല്ലാവര്ക്കും വിപ്ലവാഭിവാദനങ്ങള്‍........
No comments:
Post a Comment