FWD: __by യാക്കോബ് തോമസ്,മലയാളവിഭാഗം,ഗവ. കോളേജ്,കട്ടപ്പന. മലയാളത്തിലെ സാഹിത്യ-സംസ്കാരികപഠനങ്ങളില്‍ ഏറെ ആദര്‍ശവല്ക്കരിക്കപ്പെട്ടവയാണ് പഴഞ്ചൊല്ലുകള്‍. കേരളത്തിനൊരു വിപുലവും സ്വയംപൂര്‍ണ്ണവുമായ കാര്‍ഷികസംസ്കാരവും മറ്റും ഉണ്ടെന്നും അതിന്റെ മഹിമകള്‍ നൂറ്റാണ്ടുകളോളം കാത്തുസൂക്ഷിക്കേണ്ടതാണെന്നും മിക്കപ്പോഴും വാദിക്കുന്നതും പഴഞ്ചൊല്ലുകള്‍ ഉപയോഗിച്ചാണ്. പരിപാവനമായ ഇത്തരം അറിവുകളുടെ പത്തായമാണ് ചൊല്ലുകളെന്നാണ് സങ്കല്പം. മണ്ണ്, കാര്‍ഷികസംസ്കാരം എന്നിവയെക്കുറിച്ചുള്ള ചൊല്ലുകളുടെ ആവര്‍ത്തനത്തിലൂടെ വിപുലമായ ഒരു കാര്‍ഷിക സംസ്കാരത്തിന്റെയും മണ്ണിനെ സ്നേഹിച്ച ജനതയുടെയും പാഠങ്ങള്‍ കാണാമെന്ന് ഈ വായനകള്‍ സൂചിപ്പിക്കുന്നു. അനുഭവത്തെ ദീര്‍ഘകാലം ഓര്‍ത്തുവയ്ക്കുവാനുള്ള കഴിവും വ്യവസ്ഥാപിതമായ ശാബ്ദികവിന്യാസമാക്കിയ ഭാഷയുടെ പ്രയോഗക്ഷമതയും ഒത്തുചേര്‍ന്ന് അനന്തരതലമുറയ്ക്ക് നല്കുന്ന മുന്നറിയിപ്പുകളാണ് വാസ്തവത്തില്‍ പഴഞ്ചൊല്ലുകള്‍. മലയാളിയുടെ പഴഞ്ചൊല്ലുകളുടെ തെളിമയില്‍ നിഴലിച്ചു കാണുന്നത്വികസിതമായ ഒരു കാര്‍ഷികസമൂഹക്രമവും അതിന്റെ ലോകബോധവും ജീവിതവീക്ഷണവുമാണ് എന്ന് രാഘവവാര്യര്‍ നിരീക്ഷിക്കുന്നു . ഈ സംസ്കാരത്തിന്റെ വിവിധ അധികാര- ശ്രേണീക്രമങ്ങളും ജാതി-വര്‍ഗ-ലിംഗ വ്യത്യാസങ്ങളുെ ഇവയില്‍ കൃത്യമായി കാണാം. അറിവുകളാണ് ഇത്തരം ചൊല്ലുകള്‍. ഇവയുടെ ഉപയോഗത്തിലൂടെ ഇത്തരത്തില്‍ ശ്രേണീവല്കരിക്കപ്പെട്ട സാമൂഹ്യക്രമം അതിന്റെ ആശയാവലിയെ ഊട്ടിയുറപ്പിക്കുകയാണെന്നു വ്യക്തം. അതിനാല്‍ ഇവയിലെ ആശയാവലികളെ കൂടുതലായി നിരീക്ഷിക്കുന്ന പ്രവണത ഇക്കാലത്തു ശക്തമായിട്ടുണ്ട്. കേവലമായി ചില അറിവുകള്‍ സമൂഹത്തില്‍ ഇവ ഉറപ്പിക്കകയല്ലെന്നും മറിച്ച് സവിശേഷമായിട്ടുള്ള പ്രത്യയശാസ്ത്ര ഇടപെടല്‍ നടത്തുകയാണെന്നും പറയാം. മണ്ണിലിട്ടാല്‍ പൊന്ന്, മണ്ണെറിഞ്ഞാലും പൊന്നു കായ്ക്കും, മണ്ണറിഞ്ഞു വളം ചെയ്താല്‍ കിണ്ണം നിറയെ ചോറുണ്ണാം, മണ്ണിനു മത്തി, മണ്ണേറിയാല്‍ വെള്ളമുണ്ട്, വെള്ളമേറിയാല്‍ മണ്ണുമുണ്ട്, മണ്ണിലെ കൃഷിയെയും ഉപജീവനത്തെയും ലക്ഷ്യംവയ്ക്കുന്ന ഒരു സാമൂഹികത ഇവയില്‍ കാണാം. സാമ്പത്തികമായി പൊന്ന് നിര്‍ണ്ണായകയമായ കാലത്താണ് ഈ ചൊല്ലുകള്‍ രൂപംകൊണ്ടിട്ടുള്ളതെന്നു വ്യക്തം. അത്തരം സാമ്പത്തികചിന്തകള്‍ക്കുമീതെയും കീഴടക്കിയും മണ്ണിനെ നിര്‍വ്വചിക്കുന്നു, ഈ ചൊല്ലുകള്‍. ഒന്നിലേറെ നൂറ്റാണ്ടുകളുടെ പഴക്കം ഈ ചൊല്ലുകള്‍ക്കു കാണാം. വ്യത്യസ്തകാലത്തെ സാമൂഹികപരിണാമങ്ങളുടെ മുഴക്കം ഇവയില്‍ വ്യക്തം. ആധുനികമായ കലത്ത് ഇവ പൊതുവായ തത്വം- എല്ലാവരേയും ജാതി-മത-ലിംഗ-വര്‍ഗ്ഗ ഭേദമെന്യേ- ബാധിക്കുന്ന ജീവിതചിന്ത- എന്നനിലയിലാണ് നാം സാധാരണ കാണുക. 2. മണ്ണിനെ വളരെ നിസാരമാക്കിയോ ദുര്‍ബ്ബലമാക്കിയോ ആണ് വ്യവഹരിക്കുന്നത്. ഇത്തരത്തില്‍ ധാരാളം ചൊല്ലുകള്‍ കാണാം: മണ്‍പൂച്ച എലിയെ പിടിക്കില്ല, മണ്‍കുതിരയില്‍ കയറി പുഴകടക്കാനൊക്കുമോ?, എന്നിങ്ങനെയുള്ള ചൊല്ലുകള്‍ സൂചിപ്പിക്കുന്നത് മണ്ണ് എന്നത് ദുര്‍ബ്ബലമായ ഒന്നാണെന്നും അതുകൊണ്ട് വലിയ കാര്യങ്ങള്‍ സാദ്ധ്യമല്ലെന്നുമാണ്. മണ്ണും പെണ്ണും ഒന്നാകുമ്പോള്‍ പെണ്‍ചൊല്ലു കേള്‍ക്കുന്നവനു പെരുവഴി, ഇങ്ങനെ നിരവധി ചൊല്ലുകളിലൂടെ പെണ്ണുമായി ബന്ധപ്പെട്ടതെല്ലാം പിന്നാക്കമാണെന്നും ആണ്‍കോയ്മയാണ് ശരിയെന്നും സ്ഥാപിച്ചിട്ടുണ്ട്. എന്നപോലെയുള്ള വളരെ ആധുനികമായ ചൊല്ലുകള്‍ ഓര്‍ക്കുക. ആണായാല്‍ കണക്കിലാവണം, പെണ്ണായാല്‍ പാട്ടിലാവണം, ആണിരിക്കും കുടുംബത്തു പെണ്ണു കാര്യം നോക്കിയാല്‍ ആണില്ലാത്ത നാട്ടില്‍ ആമ്പട്ടന്‍ രാജാവ്, അധികാരപരമായി ലിംഗപരമായ ദുര്‍ബ്ബലതയുടെ അടയാളമായാണ് സ്ത്രീയെ ചിഹ്നവല്കരിച്ചിരിക്കുന്നത്. ഇവിടെ ശ്രദ്ധിക്കപ്പെടേണ്ട പ്രശ്നം മരുമക്കത്തായം പോലെ പെണ്ണിന് പലതരം അധികാരങ്ങള്‍ (സാങ്കേതികമായിട്ടെങ്കിലും) നിലനിന്ന സമൂഹക്രമത്തില്‍ - നായര്‍ ആദിയായവരില്‍- ആ അധികാരത്തെ സൂചിപ്പിക്കുന്ന അടയാളങ്ങളൊന്നും ചൊല്ലുകളായി കാണുന്നില്ലെന്നതാണ്. ആണിനെ ഭരിച്ചാലോ താന്‍കോയ്മ കാണിച്ചാലോ അപകടം ഉണ്ടാവുകയും, പെണ്ണത്തം ശരിയല്ലെന്നു പ്രഖ്യാപിക്കുകയും ചെയ്യുന്നു ഈ ചൊല്ലുകള്‍. പുരുഷന്‍ കരുത്തനാണെന്നും സ്ത്രീ ദുര്‍ബലയാണെന്നും പുരുഷനാല്‍ സംരക്ഷിക്കപ്പടേണ്ടുന്നവരാണ് മണ്ണും പെണ്ണും എന്നത് ഇവിടെ ആവര്‍ത്തിക്കുന്നു. അന്തിയ്ക്കാകാത്ത പെണ്ണും ചന്തിയ്ക്കാകാത്ത മണ്ണും ഇല്ല, തുടങ്ങിയവയില്‍ കാണുന്നത് പെണ്ണത്തത്തെ വളരെ നിസ്സാരീകരിക്കുകയും മണ്ണിനെ അതുമായി കൂട്ടിച്ചേര്‍ക്കുകയുമാണ്. വിവിധകാലത്തെ സാമൂഹികാധികാരക്രമങ്ങളുടെ വിനിമയപാഠങ്ങളാല്‍ കലുഷിതമാണ് അവ. ഇത് മണ്ണെന്ന/പെണ്ണെന്ന 'പവിത്രമായ' സങ്കല്പത്തെ ചോദ്യം ചെയ്യുന്നു. കേവലമായ ജൈ/ദൈവികതയെന്ന നിലയില്‍ മണ്ണ് കേരളത്തിന്റെ സംസ്കാരികാന്തരീക്ഷത്തില്‍ നിലനില്ക്കുന്നില്ല. മറിച്ച് ഓരോ കാലത്തെയും ജാതി-ലിംഗാധികാര-സാമ്പത്തിക താത്പര്യങ്ങളുടെ ഘടനയ്ക്കകത്താണ് മണ്ണും പെണ്ണും രൂപംകൊണ്ടത്. ഗ്രന്ഥസൂചി source: http://www.chintha.com/node/156348 മണ്ണിനെ പെണ്ണാക്കുമ്പോള്‍ : പഴഞ്ചൊല്ലിലെ മണ്ണും പെണ്ണും | chintha chintha aims to be a comprehensive resource for information on keralam, gods own country and publishing platform for content related to kerala history, malayalam la...
പെണ്ണ് മുറിച്ചാല്‍ മണ്ണു മുറിയുമോ?,
അന്തിയ്ക്കാകാത്ത പെണ്ണും ചന്തിയ്ക്കാകാത്ത മണ്ണും ഇല്ല,
പെണ്ണാകുന്നതില്‍ ഭേദം മണ്ണാകുന്നത്,
പെണ്ണുകെട്ടി കണ്ണും പൊട്ടി,
മണ്ണും പെണ്ണും കണ്ടേ കൊള്ളാവൂ,
വെറ്റിലയ്ക്കൊതുങ്ങാത്ത പാക്കുമില്ല ആണിനൊതുങ്ങാത്ത പെണ്ണുമില്ല,
മണ്ണാലെ ചത്തു പെണ്ണാലെ ചത്തു,
മണ്ണായാലും മനയായാലും പെണ്ണായാലും പേണിയവര്‍ക്ക്
മണ്ണിനെയും പെണ്ണിനെയും രക്ഷിച്ചാല്‍ അവരും രക്ഷിക്കും
മണ്ണിളകിയില്ലെങ്കില്‍ പെണ്ണിളകും
മണ്ണുണ്ടെങ്കില്‍ പെണ്ണുമുണ്ട്
മണ്ണുമൂത്താല്‍ പൊന്ന്, പെണ്ണുമൂത്താല്‍ മണ്ണ്
മണ്ണുമൂത്താല്‍ വെട്ടിവാഴും, പെണ്ണുമൂത്താല്‍ കെട്ടിവാഴും
മണ്ണും ചാരിനിന്നവന്‍ പെണ്ണും കൊണ്ടുപോയി
പെണ്ണാശ ഒരുവശത്ത്, മണ്ണാശ ഒരുവശത്ത്
പെണ്ണിനു പൊന്നിട്ടു നോക്കുക, ചുവരിനു മണ്ണിട്ടു നോക്കുക
പെണ്ണിനെയും മണ്ണിനെയും ദണ്ഡിപ്പിച്ചാല്‍ ഗുണമുണ്ട്
തുടങ്ങി നിരവധി ചൊല്ലുകള്‍ ഉണ്ട്.
ക. കേവലമായ, ദുര്‍ബലമായ വസ്തുവല്കരണം
ഖ. ഭിന്നലൈംഗിക വിവാഹത്തിന്റെ താത്പര്യങ്ങള്‍.
ഗ. കുടുംബത്തിന്റെ അകത്തെ ജീവിതം മാത്രം.
ഘ. പുരുഷന്റെ ഉടമസ്ഥത
ങ. സ്വാതന്ത്ര്യമോ കര്‍തൃത്വമോ ഇല്ല. മറ്റുള്ളവരാല്‍ ദണ്ഡിപ്പിക്കുകയോ രക്ഷിക്കുകയോ നയിക്കുകയോ വേണം.
1. പി. സി. കര്‍ത്താ:പഴഞ്ചൊല്‍ പ്രപഞ്ചം, ഡിസി ബുക്സ്, കോട്ടയം.
2. എം.വി വിഷ്ണുനമ്പൂതിരി:നാടോടി വിജ്ഞാനീയം, ഡിസി ബുക്സ്, കോട്ടയം.
3. എം. ആര്‍ രാഘവവാര്യര്‍,2006:അമ്മവഴിക്കേരളം,കേരള സാഹിത്യഅക്കാദമി, തൃശൂര്‍.
www.keralites.net 
Posted by: Aniyan <jacobthomas_aniyankunju@yahoo.com>
| Reply via web post | • | Reply to sender | • | Reply to group | • | Start a New Topic | • | Messages in this topic (1) |
To subscribe send a mail to Keralites-subscribe@yahoogroups.com.
Send your posts to Keralites@yahoogroups.com.
Send your suggestions to Keralites-owner@yahoogroups.com.
To unsubscribe send a mail to Keralites-unsubscribe@yahoogroups.com.
Homepage: http://www.keralites.net
No comments:
Post a Comment