സിസിടിവി എന്നൊരു സാധനം ഉള്ളത് കൊണ്ട് മാത്രമാണ് ബിനോയ്‌ ചെറിയാന്‍ എന്ന പ്രവാസി മലയാളി ഈ കേസില്‍ മാത്രം ഒതുക്കപ്പെട്ടത്‌ എന്ന് ഒരു പ്രമുഖ ന്യൂസ് വെബ്‌സൈറ്റില്‍ ഒരു വായനക്കാരന്റെ കമന്റ് കണ്ടു. സിസിടിവി ഇല്ലായെങ്കില്‍ എന്തൊക്കെ കേസുകള്‍ ഈ പാവത്തിനെതിരെ പോലിസ്‌ കെട്ടി വെച്ചിരുന്നു. അതും ഒരു സൂപ്പര്‍ താരം ഫോണ്‍ ചെയ്തു പറഞ്ഞതോട് കൂടി ഒരു ഇരയെ കിട്ടിയ ഭാവേന ഇദ്ദേഹത്തെ കേസില്‍ ഉള്‍പ്പെടുത്താന്‍ മത്സരിക്കുകയാണ് അവര്‍ ചെയ്തത്. എന്നാല്‍ സിസിടിവി രക്ഷകനായി എന്ന് തന്നെ പറയാം. രണ്ജിനിയും കേസില്‍ ഉള്‍പ്പെട്ടു. പ്രിയ ബിനോയ്‌, നിങ്ങളുടെ കൂടെ ഞങ്ങള്‍ പ്രവാസികളുണ്ട്. ഈ രാജ്യത്ത് നിയമം ഏതു പാവപ്പെട്ടവനും പാവപ്പെട്ടവന്റെ തലയില്‍ കയറി ആളാവുന്നവനും ഒരു പോലെ ആണെന്ന് നിങ്ങള്‍ ഈ ഒരേ ഒരു പ്രവര്‍ത്തിയിലൂടെ മലയാളികള്‍ക്ക് കാണിച്ചു കൊടുത്തിരിക്കുന്നു.
ഇവിടെ പലരും സ്ത്രീ സുരക്ഷ, സ്ത്രീ സ്വാതന്ത്ര്യം എന്നൊക്കെ പറഞ്ഞു മുദ്രാവാക്യം വിളിക്കാറുണ്ട്. സ്ത്രീ സുരക്ഷ അത്യന്താപേക്ഷിതമാണെന്നത് സംശയരഹിതമായ കാര്യവുമാണ്. എന്നാല്‍ സമൂഹത്തിലേക്ക് ഇറങ്ങി പുരുഷന്മാരോട് അഹങ്കാരം കാണിക്കുന്ന സ്ത്രീകളെ എങ്ങനെയാണ് കാണുക. സ്ത്രീകളെ അനാവശ്യമായി നോക്കിയാല്‍ പോലും പീഢനമാകുന്ന ഈ കാലത്ത് ഇത്തരത്തിലുള്ള സ്‌ത്രീകള്‍ നടത്തുന്ന പുരുഷ പീഡനങ്ങള്‍ക്കെതിരെ എന്ത് സംരക്ഷണമാണ് ലഭിക്കുക. അതും കുടുംബ സമേതം നാട്ടിലേക്ക് വരുന്ന ഒരു പ്രവാസി മലയാളിയോടാണെങ്കില്‍ ? പ്രിയ ബിനോയ്‌, നിങ്ങള്‍ പ്രവാസികളുടെ അഭിമാനമാണ്. സ്ത്രീക്കും പുരുഷനും ഈ സുരക്ഷ എന്ന സാധനം വേണമെന്ന സത്യം നിങ്ങള്‍ ലോകത്തിനു കാണിച്ചു കൊടുത്തിരിക്കുന്നു.
ഇവിടെ പറഞ്ഞു വരുന്നത് ചില 'മലയാലം' പറയുന്ന ചില മലയാളി സ്ത്രീകളെ പറ്റി തന്നെയാണ്. മുന്‍പ്‌ ഇതുപോലൊരു സ്ത്രീ ബുള്ളറ്റില്‍ കറങ്ങി നടന്നു പുരുഷന്മാരെ മേല്‍ കൈവച്ച കഥ നാം കേട്ടതാണ്. അന്ന് ആ സ്ത്രീയെ സപ്പോര്‍ട്ട് ചെയ്തു മാധ്യമങ്ങള്‍ തട്ടിവിട്ടു. അവരുടെ ഇന്റര്‍വ്യൂ പോരെ പൂരം. അവസാനം ഈ സ്ത്രീയുടെ കത്തികള്‍ കള്ളമാണെന്ന് തെളിഞ്ഞപ്പോള്‍ ദേ വരുന്നു, മറ്റൊരു സെലിബ്രിറ്റി. അന്ന് ഹോട്ടലിനു മുന്‍പില്‍ വെച്ച് അടി വാങ്ങിയ പോലെ ആവില്ല മക്കളെ ഞങ്ങള്‍ പ്രവാസികള്‍ . ഞങ്ങള്‍ ഇവിടെ ഒറ്റക്കെട്ടാണ്. ഞങ്ങള്‍ ഫേസ്ബുക്കില്‍ ഒന്ന് ഷെയറും ലൈക്കും അടിച്ചാല്‍ നിങ്ങളുടെ സൊ കാള്‍ഡ് ഇമേജ് ഉണ്ടല്ലോ, അതങ്ങു ചീട്ടു കൊട്ടാരം പോലെ തകരും. പ്രിയ ബിനോയ്‌, നിങ്ങളാണ് ഞങ്ങളുടെ താരം.
ഇവിടെ അനീതി കാട്ടിയ രഞ്ജിനി ഹരിദാസിനാണോ, നമ്മുടെ നാടിന്റെ നട്ടെല്ലായ സമ്പദ് ഘടനയെ പിടിച്ചു നിര്‍ത്തുന്ന പ്രവാസിയ്‌ക്കാണോ മുന്‍‌തൂക്കം? തങ്ങളുടെ ബന്ധുക്കളെയും നാട്ടുകാരെയും കാണാന്‍ സന്തോഷത്തോടെ നാട്ടിലേക്കെത്തുന്ന പ്രവാസികളോട് കാണിച്ച ഈ അനീതിയ്‌ക്കെതിരെ പ്രവാസിയ്‌ക്ക് നീതി ലഭിക്കണം. അറസ്റ്റിലൂടെ അവിടെ നിന്നവര്‍ക്ക് മുന്നില്‍ അപമാനിതനാകുകയും, നീതി നഷ്‌ടപ്പെടുകയും ചെയ്‌ത ഈ പ്രവാസിയോടുള്ള രഞ്ജിനി ഹരിദാസിന്റെ പ്രവൃത്തിയെ ആര്‍ക്കാണ് ന്യായീകരിക്കാന്‍ കഴിയുക. ഇതിനകം തന്നെ നിരവധി യാതനകളും അവഗണനകളും അനുഭവിക്കുന്ന പ്രവാസികള്ക്ക് ഒരു ന്യായീകരണവും കണ്ടെത്താന്‍ കഴിയാത്ത സംഭവത്തില്‍ ഉണ്ടായ അവഗണന എങ്ങനെയാണ് സഹിക്കാന്‍ കഴിയുക. ഇതിനെ അഹങ്കാരം എന്നല്ലാതെ മറ്റെന്ത് വാക്ക് കൊണ്ടാണ് വിശേഷിപ്പിക്കാന്‍ കഴിയുക.
എന്തായാലും രഞ്ജിനി ഹരിദാസ് താന്‍ അഭിനയിക്കുന്ന ചിത്രത്തിന്റെ പേര് അന്വര്‍ത്ഥമാക്കുകയാണ്, ആ പേര് എന്താണെന്നല്ലേ "ഒറ്റ ഒരുത്തിയും ശരിയല്ല". പേര് പോലെതന്നെയാണോ താരവും എന്നാ കാര്യവും തീരുമാനിക്കേണ്ട താരം തന്നെയാണ്. ഞങ്ങള്‍ പ്രവാസികള്ക്ക് ഒന്നേ ചോദിക്കാനുള്ളൂ, ഇനിയെങ്കിലും നന്നായിക്കൂടെ?
അവസാനമായി ബിനോയ്‌ തന്നെ സംഭവത്തെ കുറിച്ച് പറയുന്ന വാക്കുകള്‍ കേള്‍ക്കുക. അത് വായിച്ചാല്‍ ശ്രീ. ബിനോയ്‌ ചെറിയാനോടുള്ള ആരാധന പ്രവാസികള്ക്ക് ഒന്നൂടെ കൂടും.
No comments:
Post a Comment